Shymkentte balmuzdaqtan ýlanǵan balalardyń sany ósip jatyr, - dep habarlaidy Tengrinews.kz tilshisi oblystyq Densaýlyq saqtaý basqarmasynyń baspasóz qyzmetine silteme jasap.
Dárigerlerdiń aitýynsha, kámeletke tolmaǵan 18 bala oblystyq juqpaly aýrýlar aýrýhanasyna tústi. Sońǵy saǵattyń ózinde ýlanǵan eresekterdiń sany ósken. Qazirgi ýaqytta 39 adam aýrýhanaǵa jetkizildi, olardyń tórteýi jansaqtaý bóliminde jatyr.
Eske sala keteiik, osyǵan deiin Shymkentte 26 adamnyń balmuzdaqtan ýlanǵany habarlanǵan bolatyn.
"Keshe úsh adam jatqyzyldy. Artynan taǵy úsh adam. Túnde uqsas aýrý belgilerimen 20 adam jatqyzyldy. Zardap shekkender sany 20-dan assa biz joǵary turǵan organǵa jazamyz. Ol tutynýshylardy qorǵaý departamenti", - degen edi osyǵan deiin aýrýhananyń bas dárigeri Ǵalymjan Ainabekov.
