Shymkenttik zeinetker áiel balany er adamnan qalai aman alyp qalǵanyn aityp berdi, - dep habarlaidy Tengrinews.kz tilshisi.
Jantúrshigerlik video taiaýda áleýmettik jelilerde taralyp ketken edi. Video kadrlarynan er adamnyń balany úidiń ishki kireberesine kirgizip, baspaldaq alańynda turǵanyn kórýge bolady. Sondai-aq, syrtqy beinebaqylaý kamerasyna jazylǵan video tarap jatyr. Onda bir áieldiń úige kirgeni, artynsha er adamnyń qashyp shyqqanyn kórinedi. Áiel bolsa er adamnyń artynan qýady.
11 jastaǵy balany zorlyqshydan qutqarǵan áieldi endi bul aýla turǵyndary "batyr áje" dep atap ketken. Onyń aitýynsha, oqiǵa 1 shildede tańǵy 11-de bolǵan. Ol osy ýaqytta kórshi úide turatyn áielmen birge oryndyqta otyrǵan. Las kiim kigen er adamdy olar birden baiqapty, kórshilerdiń birine keldi dep oilapty.
"Bes minýt ta ótken joq, balany óltirip jatqandai daýys shyqty. Qatty qoryqtyq. Ne bolyp jatqanyn kóreiin dedim. Temir esik qoi, asha almadym", - deidi zeinetker.
Áiel balanyń daýsy dál esiktiń túbinen shyqqanyn aitady. Bar kúshimen esikti urǵylai bastapty.
"Ashyńdar!" dep aiǵailadym. Eki minýttan keiin esikti bala ashty. Er adamdy iterip jiberip, ne istep jatyrsyz dep aiǵailadym. Aiqasýǵa daiyn boldym. Eki jyl buryn ǵana júregime ota jasatqanmyn. Keýdemnen ursa, osy jerde jan tásilim etermin dep oiladym", - deidi ol.
Kúdikti oqiǵa ornynan qashyp ketken. Ony zeinetker áiel politsiia bólimshesinde ekinshi ret kórgen. Munda ony politseiler kýálik alý úshin shaqyrtqan.
"Ol politsiiada meni birden tanyp, bet-júzin jasyrmaq boldy. Keshe ǵana politsiiaǵa bárin aitamyn dedim ǵoi dep urysyp berdim. Eki qolyń men eki aiaǵyń bar, jumys istemei, istep júrgeniń mynaý. Múgedekterdiń ózi jumys istep, nanyn taýyp jep júr. Sóitsem, ol áskerge de baryp kelipti", - deidi zeinetker.
Aita keteiik, 11 jastaǵy balany dárigerler qaraǵan. Qazirgi ýaqytta ol ata-anasymen úiinde. Oqiǵanyń ózge mán-jaiy aitylmaidy. Tek kúdiktiniń ustalǵany belgili.
