Shymkentte balalar kólikjai aldyńdaǵy qumnan kómilgen er adamnyń denesin tapty, - dep habarlaidy Tvk-uko.kz. Olar deneni 28 qańtarda №18 yqshamaýdanda ornalasqan kólikjai jaqtan tapqan.
Balalar er adamnyń denesin tapqan soń oqiǵa ornyna politseiler kelgen. Deneniń osyǵan deiin sotty bolǵan 1974 jylǵa er adamǵa tiesili ekeni anyqtaldy. Basylymnyń málimetinshe, Eńbekshi aýdandyq IIB qyzmetkerleri birden kúdiktini izdeýge kirisken. Ol Qainarbulaq jaqta jasyrynǵan eken.
Ustalǵan er adamnyń (1990 jylǵy) aitýynsha, ol 2017 jyldyń 21 jeltoqsanynda qaza bolǵan er adammen birge №18 yqshamaýdanda ornalasqan páterde spirttik ishimdikter ishken. Keiinnen otyrys tóbeleske ulasyp, ol er adamdy óltirip ketken. Onyń denesin túngi saǵat úshte kólikjai jaqqa shyǵaryp, qumǵa kómip tastaǵan.
Qazirgi ýaqytta tergeýshiler qylmystyń mán-jaiyn anyqtap, kúdiktini qamaýǵa alý týraly sheshimdi kútip otyr.
