Shymkentte balabaqsha meńgerýshisi 19,3 million teńgeni jymqyrǵan, - dep habarlaidy "Ult aqparat" Qarjy monitoringi agenttiginiń baspasóz qyzmetine silteme jasap.
QMA málimetinshe, Shymkenttegi balabaqsha meńgerýshisi balalardyń sabaqqa qatysý esebine jalǵan málimet engizgen.
"Zańsyz áreket 2019 jyldan 2021 jylǵa deiin 3 jyl boiy júrgizildi. Ol "Balapan" baǵdarlamasy boiynsha mektepke deiingi bilim berýdi jan basyna shaqqandaǵy qarjylandyrýǵa bólingen 19,3 million teńge biýdjet qarajatyn zańsyz jymqyrǵan", - delingen habarlamada.
QMA Shymkent qalasy boiynsha departamenti úsh balabaqsha meńgerýshisi bolyp qyzmet etken azamatshaǵa qatysty sotaldy tergeýdi aiaqtady. Ol kináli dep tanylyp, 5 jylǵa shartty túrde bas bostandyǵynan aiyrý jazasyna kesilgen, memleketke keltirilgen 19,3 million teńge zalal tolyǵymen ótelgeni aityldy.
