Jelide Shymkentte aiaýsyz adam óltirgenderdiń videosy tarady. Arty qaiǵyly oqiǵaǵa ulasqan janjal beinebaqylaý kamerasyna túsip qalǵan. Jábirlenýshi oqiǵa ornynda kóz jumǵan, al kúdikti qamaýǵa alyndy, - dep habarlaidy Tengrinews.kz tilshisi.
Videoda eki er adamnyń sóileskeni kórinedi. Sodan keiin bireýi pyshaqpen ekinshisine shabýyl jasaidy. Jaralanǵan adam qashyp ketýge tyrysqan, biraq shabýyldaýshy ony ustap alyp, taǵy da birneshe ret pyshaq suǵyp alǵan. Er adam jedel járdem kelgenge deiin qaitys bolǵan.
Politsiia málimetinshe, 27 naýryzda Abai aýdandyq politsiia bóliminiń "102" pýltine Túrkistan shossesinde ornalasqan dúkenderdiń biriniń mańynda eki er adam tóbelesip jatqany týraly habarlama kelip túsken. Oqiǵa ornyna birden patrýldik politsiia jasaǵy, jedel-tergeý toby men aýdandyq prokýrorlar barǵan. Búginde is boiynsha sotaldy tergeý bastaldy. Kúdikti er adam tergeý izoliatoryna qamaldy.
"Bul derekti politsiia qyzmetkerleri QR QK-niń 99-baby "Adam óltirý" boiynsha tirkedi. Saraptamalar taǵaiyndaldy. Kúdikti ýaqytsha ustaý izoliatoryna qamaldy", - dedi Shymkent PD baspasóz qyzmeti ókili.
Tártip saqshylarynyń aitýynsha, aýyr qylmystyń sebebi qyzǵanysh bolǵan. Tergeýge bailanysty basqa aqparat jariialanbaityny aityldy.
