Shymkentte avtobýs órtenip ketti. Búgin saǵat on jarymdar shamasynda qoǵamdyq kóliktiń janyp jatqanyn tártip saqshylary beinebaqylaý kamerasynan baiqap qalǵan, dep habarlaidy Ult.kz tilshisi QazAqparat agenttigine silteme jasap.
Oqiǵa ornyna aldymen jol patrýldik politsiia qyzmetkerleri jetken. Dereý avtobýstyń janyndaǵy joldy qorshap, órt sóndirýshilerdi shaqyrtypty. Belgili bolǵandai «DonFen» markaly avtobýstyń ishki salony men motor bóligi janǵan.
Jalyndy aýyzdyqtaýǵa órt sóndirý jáne avariialyq-qutqarý qyzmetiniń 16 mamany jáne 3 tehnikasy jumyldyrylyp, der kezinde sóndirip aldy. Tilsiz jaý saǵat 10.50-de aýyzdyqtalyp, saǵat 10.56-da tolyq óshirildi. Órtten eshkim zardap shekpegen. Avtobýstyń 17,5 sharshy metr jerin ot sharpydy.
Bastapqy boljam boiynsha órttiń shyǵýyna elektr jelisiniń qysqa tuiyqtalýy sebep bolǵan.
Ázirge belgilisi, 2014 jyly shyǵarylǵan avtobýs 22 baǵytta jolaýshy tasymaldap kelgen eken. Órt shyqqan kezde qoǵamdyq kólikte eki jolaýshy men júrgizýshi bolǵan.
Qazir birqatar saraptama taǵaiyndalyp, órttiń sebep-saldary anyqtalýda.
