شىمكەنتتە اۆتوبۋس ٶرتەنٸپ كەتتٸ. بٷگٸن ساعات ون جارىمدار شاماسىندا قوعامدىق كٶلٸكتٸڭ جانىپ جاتقانىن تەرتٸپ ساقشىلارى بەينەباقىلاۋ كامەراسىنان بايقاپ قالعان, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
وقيعا ورنىنا الدىمەن جول پاترۋلدٸك پوليتسييا قىزمەتكەرلەرٸ جەتكەن. دەرەۋ اۆتوبۋستىڭ جانىنداعى جولدى قورشاپ, ٶرت سٶندٸرۋشٸلەردٸ شاقىرتىپتى. بەلگٸلٸ بولعانداي «دونفەن» ماركالى اۆتوبۋستىڭ ٸشكٸ سالونى مەن موتور بٶلٸگٸ جانعان.
جالىندى اۋىزدىقتاۋعا ٶرت سٶندٸرۋ جەنە اۆارييالىق-قۇتقارۋ قىزمەتٸنٸڭ 16 مامانى جەنە 3 تەحنيكاسى جۇمىلدىرىلىپ, دەر كەزٸندە سٶندٸرٸپ الدى. تٸلسٸز جاۋ ساعات 10.50-دە اۋىزدىقتالىپ, ساعات 10.56-دا تولىق ٶشٸرٸلدٸ. ٶرتتەن ەشكٸم زارداپ شەكپەگەن. اۆتوبۋستىڭ 17,5 شارشى مەتر جەرٸن وت شارپىدى.
باستاپقى بولجام بويىنشا ٶرتتٸڭ شىعۋىنا ەلەكتر جەلٸسٸنٸڭ قىسقا تۇيىقتالۋى سەبەپ بولعان.
ەزٸرگە بەلگٸلٸسٸ, 2014 جىلى شىعارىلعان اۆتوبۋس 22 باعىتتا جولاۋشى تاسىمالداپ كەلگەن ەكەن. ٶرت شىققان كەزدە قوعامدىق كٶلٸكتە ەكٸ جولاۋشى مەن جٷرگٸزۋشٸ بولعان.
قازٸر بٸرقاتار ساراپتاما تاعايىندالىپ, ٶرتتٸڭ سەبەپ-سالدارى انىقتالۋدا.
