Foto: ashyq derekkóz
Shymkent qalasy Turan aýdany prokýratýrasynyń úilestirýimen aliment tóleýden qasaqana jaltarǵan boryshker qylmystyq jaýapkershilikke tartyldy, dep habarlaidy Ult.kz.
Ol uzaq ýaqyt boiy kámeletke tolmaǵan balalaryna aliment tóleýden bas tartyp, 1 171 723 teńge kólemindegi qaryzyn ótemegen.
Boryshker buǵan deiin de Qazaqstan Respýblikasynyń Ákimshilik quqyq buzýshylyq týraly kodeksiniń 669-baby jáne Qylmystyq kodeksiniń 139-baby boiynsha jaýapkershilikke tartylǵan. Soǵan qaramastan, aliment tóleý mindetin oryndaýdan jaltarýyn jalǵastyrǵan.
2025 jyldyń 16 mamyrynda sot úkimimen boryshker Qylmystyq kodekstiń 139-baby boiynsha kináli dep tanylyp, alty aiǵa bas bostandyǵynan aiyryldy. Sot úkimi áli zańdy kúshine engen joq.
Aita keteiik, aliment tóleýden úsh aidan astam ýaqyt boiy jaltarǵandar zań boiynsha eki jylǵa deiingi merzimge bas bostandyǵynan shektelýi nemese aiyrýy múmkin. Sonymen qatar, olar 600 saǵatqa deiin qoǵamdyq jumystarǵa tartylýy yqtimal.
Mundai qatań sharalar aliment mindettemelerin oryndaýdy yntalandyrý jáne balalardyń quqyqtaryn qorǵaý maqsatynda qoldanylatynyn eske salamyz.
