فوتو: اشىق دەرەككٶز
شىمكەنت قالاسى تۇران اۋدانى پروكۋراتۋراسىنىڭ ٷيلەستٸرۋٸمەن اليمەنت تٶلەۋدەن قاساقانا جالتارعان بورىشكەر قىلمىستىق جاۋاپكەرشٸلٸككە تارتىلدى, دەپ حابارلايدى Ult.kz.
ول ۇزاق ۋاقىت بويى كەمەلەتكە تولماعان بالالارىنا اليمەنت تٶلەۋدەن باس تارتىپ, 1 171 723 تەڭگە كٶلەمٸندەگٸ قارىزىن ٶتەمەگەن.
بورىشكەر بۇعان دەيٸن دە قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 669-بابى جەنە قىلمىستىق كودەكسٸنٸڭ 139-بابى بويىنشا جاۋاپكەرشٸلٸككە تارتىلعان. سوعان قاراماستان, اليمەنت تٶلەۋ مٸندەتٸن ورىنداۋدان جالتارۋىن جالعاستىرعان.
2025 جىلدىڭ 16 مامىرىندا سوت ٷكٸمٸمەن بورىشكەر قىلمىستىق كودەكستٸڭ 139-بابى بويىنشا كٸنەلٸ دەپ تانىلىپ, التى ايعا باس بوستاندىعىنان ايىرىلدى. سوت ٷكٸمٸ ەلٸ زاڭدى كٷشٸنە ەنگەن جوق.
ايتا كەتەيٸك, اليمەنت تٶلەۋدەن ٷش ايدان استام ۋاقىت بويى جالتارعاندار زاڭ بويىنشا ەكٸ جىلعا دەيٸنگٸ مەرزٸمگە باس بوستاندىعىنان شەكتەلۋٸ نەمەسە ايىرۋى مٷمكٸن. سونىمەن قاتار, ولار 600 ساعاتقا دەيٸن قوعامدىق جۇمىستارعا تارتىلۋى ىقتيمال.
مۇنداي قاتاڭ شارالار اليمەنت مٸندەتتەمەلەرٸن ورىنداۋدى ىنتالاندىرۋ جەنە بالالاردىڭ قۇقىقتارىن قورعاۋ ماقساتىندا قولدانىلاتىنىن ەسكە سالامىز.
