Foto: polisia.kz
Shymkentte alaiaqtar baspanasy joq adamdardyń atynan 22 million teńge kóleminde nesie rásimdegen, dep habarlaidy Ult.kz.
Olar jábirlenýshilerdi kásipker retinde kórsetip, olardyń atyna iri kólemdegi qarjyny zańsyz alǵan.
Qalalyq politsiia departamenti alaiaqtyqqa qatysty qylmystyq isti tergeý barysynda kommertsiialyq uiym qyzmetkerleriniń óz mindetterin adal atqarmaǵanyn anyqtap, QR QK 254-baby boiynsha is qozǵady.
Tergeý málimetterine sáikes, 2021 jyly 22,8 million teńge somasyndaǵy alaiaqtyq áreket tirkelgen. Alaida jalǵan kásipkerlik pen zańdy tulǵalardy tekserý jáne olardyń esepshottaryn buǵattaý boiynsha tiisti sharalar qabyldanbaǵan.
«Bul quqyq buzýshylyq qylmystyq toptyń jábirlenýshilerdiń qarajatyn iemdenýine múmkindik bergen. Kúdiktiler baspanasy joq azamattardyń atynan jalǵan kásipkerlikter quryp, alaiaqtyq shemalaryn júzege asyrǵan. Qylmystyq is qala prokýratýrasynyń baqylaýynda», – dep habarlady Shymkent qalasynyń prokýratýrasy.
