Sýret: t.me/POLICE_of_KZ
Shymkentte aýrýhanadan qashyp ketken alaiaq áiel izdestirilip jatyr, dep habarlaidy "Ult aqparat" Polisia.kz Telegram-arnasyna silteme jasap.
IIM baspasóz qyzmetiniń málimetinshe, 1983 jyly týǵan Ferýza Korchieva alaiaqtyq jolmen óziniń tanysyn aldap, jalpy somasy 12 million 700 myń teńgeni qoldy etken. Ol jábirlenýshige “bankte kepilde turǵan múlkińdi shyǵaryp beremin” dep sendirip, aqshany alǵan soń izin sýytqan.
"Atalǵan fakti QR Qylmystyq kodeksiniń 190-baby 4-bóligi boiynsha tirkeldi.
Alaida áiel tergeý men sottan boi tasalap júr. Ferýza Korchieva sońǵy ret densaýlyǵynyń nasharlaýyna bailanysty jedel járdemmen aýrýhanaǵa jetkizilip, sol jerden qashyp ketken.
Sýrette kórsetilgen áieldi kórgen-bilgender bolsa, birden politsiianyń 102 arnasyna nemese 8-7252-33-98-42, 8-702-757-79-57, 97-60-09 bailanys nómirlerine habarlasýlaryńyzdy suraimyz" - delingen habarlamada.
