Shymkentte Abai Qunanbaiulynyń 175 jyldyǵy aiasynda qala ákiminiń birinshi orynbasary Shyńǵys Muqan men qalalyq máslihat hatshysy Ǵani Tashqaraev Abai eskertkishine gúl shoqtaryn qoidy. Sonymen qatar, olar Abai murajaiynda bolyp, tanymdyq ekskýrsiia jasady, dep habarlaidy "Ult aqparat".
Qalada 1995 jyly uly oishyldy óskeleń urpaqqa keńinen dáripteý maqsatynda ári Abaidyń 150 jyldyq mereitoiy qarsańynda saiabaq aldyna eskertkishi ornatylǵan bolatyn. Budan ózge, Shymkentte Abai Qunanbaiulynyń esimi berilgen aýdan men dańǵyl, kitaphana, murajai, saiabaq bar. Naqtyraq aitqanda, 2004 jyly «Shymkent qalasynda aýdandar qurý týraly» Shymkent qalalyq máslihatynyń sheshimi jáne ákimdik qaýlysymen Abai aýdany quryldy. Aýmaǵy 50 myń gektarǵa jýyq jerdi alatyn aýdanda 323 myńǵa jýyq turǵyn qonystanǵan. Al, uzyndyǵy 2 shaqyrymǵa sozylatyn dańǵylǵa Abai esimi 1990 jyly berilgen. Sondai-aq, 1964 jyly qurylǵan qalalyq ortalyq kitaphanaǵa 2005 jyly QR Úkimetiniń qaýlysyna sáikes Abai esimi berilgen.
Shymkenttikterdiń súiikti demalys ornyna ainalyp úlgergen qazirgi Abai saiabaǵy - 1967 jyly «50 let Oktiabria» saiabaǵy bolyp ashylǵan edi. Ol 1991 jyly 23 mamyrda qazaqtyń uly aqyny Abaidyń esimine ózgertilgen. Onda Ekinshi dúniejúzilik soǵys ardagerlerine arnalǵan alleia, úlken dańq memorialy, sýburqaq, shaǵyn sáýlet nysandary jáne merekelik is-sharalar ótkizýge arnalǵan sahna bar. Sonymen qatar, 2009 jyldyń 22 qyrkúieginde Abai saiabaǵynan Hakim Abai murajaiy ashylǵan.
