Shymkentte 9 jasar qyzdy zorlap ketken kúdikti aqyry ustaldy. Bul týraly qalalyq politsiia departamentiniń baspasóz qyzmeti málimet taratty, dep habarlaidy "Ult aqparat".
«IIM men Shymkent qalalyq PD qyzmetkerleri júrgizgen jedel izdestirý sharalary barysynda 5 qańtar kúni kámelet jasyna tolmaǵan jasóspirimdi zorlady degen kúdikti ustaldy. Sezikti Almaty qalasynyń turǵyny bolyp shyqty. Shymkent qalasy Politsiia departamenti jedel-tergeý toby qyzmetkerleri kásibiligi men úilesimdi jumysynyń arqasynda qysqa merzim ishinde qylmystyń izin sýytpai hronologiiasyn quryp, kináli adamnyń izine túsken. Ustalǵan azamattyń qylmysqa qatystylyǵy kýáler men jábirlenýshiniń ózi bergen túsinikterimen rastalady. Isti tergeý jalǵasyp jatyr. Ózge aqparat QR QPK-niń 201-babyna sáikes jariialanýǵa jatpaidy» delingen Shymkent qalalyq PD baspasóz qyzmetiniń habarlamasynda.
Aita keteiik, buǵan deiin Shymkentte iesiz úilerdiń birinde 9 jasar qyzdy belgisiz bireý zorlap ketken bolatyn. Atalǵan qylmys jasóspirim qyzdyń jattyǵýdan úiine qaityp kele jatqan sátinde bolǵan. Artynsha qylmyskerdi ustaýǵa politseilermen qatar jergilikti turǵyndar atsalysqan edi. Keiinnen politseiler seziktiniń tulǵasyn anyqtaý men izdestirý sharalary júrgizilip jatqanyn habarlaǵan.
