Qazaqstanda jyl basynan beri 133 myń migrant óz erkimen elden ketti. Bul jóninde Polisia.kz habarlady.
"Pandemiia kezinde Qazaqstan aýmaǵynda bolǵan myńdaǵan shetel azamaty elden shyǵa almai qaldy. IIM kóshi-qon qyzmetiniń, shet memleketter ókildikteriniń jáne kóshi-qon jónindegi halyqaralyq uiymnyń yqpalymen bul adamdardyń qujattaryn resimdeýge kómek kórsetildi. Jyl basynan beri politsiia qyzmetkerleri 133 myń zańsyz migranttyń elden óz erkimen ketýine kómektesti. Tólqujattarynyń jaramdylyq merzimi ótken 675 sheteldikke qaitý týraly arnaiy kýálik berildi", – dep atap ótti IIM basshysy Erlan Turǵymbaev.
Osy jyldyń aqpan aiynda ishki ister ministrligi "Migrant" jedel aldyn alý sharasynyń eki kezeńin ótkizdi.
IIM málimeti boiynsha, kóshi-qon zańnamasyn óreskel buzý faktileri anyqtalǵan.
Jedel aldyn alý sharasy barysynda sheteldik jumys kúshin ruqsatsyz paidalanǵany úshin 582 jumys berýshi jaýapkershilikke tartyldy. Zańsyz kóshi-qon uiymdastyrý faktileri boiynsha 28 qylmystyq is tirkeldi.
Osylaisha, Shymkent qalasynda Ózbekstannyń 70 azamaty men 62 qytaidy jumysqa zańsyz qabyldaǵan birqatar zańdy tulǵalar anyqtaldy. Qazirgi ýaqytta zańsyz kóshi-qondy uiymdastyrý faktisi boiynsha sotqa deiingi tergeý bastaldy.
Sonymen qatar, jedel aldyn alý sharasy kezinde izdeý jariialanǵan 140 qylmysker ustaldy. Olardyń ishinde 129 qazaqstandyq, TMD elderiniń 10 azamaty, sondai-aq, seksýaldyq sipattaǵy zorlyq-zombylyq áreketteri jáne bopsalaý faktisi boiynsha halyqaralyq izdeýde júrgen Túrkiia azamaty bar.
IIM kóshi-qon qyzmeti komitetiniń málimeti boiynsha, kóshi-qon zańnamasyn qasaqana buzǵandarǵa qatysty zańsyz immigranttardy el aýmaǵynan shyǵarý týraly 969 sot sheshimi shyǵarylǵan.
