قازاقستاندا جىل باسىنان بەرٸ 133 مىڭ ميگرانت ٶز ەركٸمەن ەلدەن كەتتٸ. بۇل جٶنٸندە Polisia.kz حابارلادى.
"پاندەمييا كەزٸندە قازاقستان اۋماعىندا بولعان مىڭداعان شەتەل ازاماتى ەلدەن شىعا الماي قالدى. ٸٸم كٶشٸ-قون قىزمەتٸنٸڭ, شەت مەملەكەتتەر ٶكٸلدٸكتەرٸنٸڭ جەنە كٶشٸ-قون جٶنٸندەگٸ حالىقارالىق ۇيىمنىڭ ىقپالىمەن بۇل ادامداردىڭ قۇجاتتارىن رەسٸمدەۋگە كٶمەك كٶرسەتٸلدٸ. جىل باسىنان بەرٸ پوليتسييا قىزمەتكەرلەرٸ 133 مىڭ زاڭسىز ميگرانتتىڭ ەلدەن ٶز ەركٸمەن كەتۋٸنە كٶمەكتەستٸ. تٶلقۇجاتتارىنىڭ جارامدىلىق مەرزٸمٸ ٶتكەن 675 شەتەلدٸككە قايتۋ تۋرالى ارنايى كۋەلٸك بەرٸلدٸ", – دەپ اتاپ ٶتتٸ ٸٸم باسشىسى ەرلان تۇرعىمباەۆ.
وسى جىلدىڭ اقپان ايىندا ٸشكٸ ٸستەر مينيسترلٸگٸ "ميگرانت" جەدەل الدىن الۋ شاراسىنىڭ ەكٸ كەزەڭٸن ٶتكٸزدٸ.
ٸٸم مەلٸمەتٸ بويىنشا, كٶشٸ-قون زاڭناماسىن ٶرەسكەل بۇزۋ فاكتٸلەرٸ انىقتالعان.
جەدەل الدىن الۋ شاراسى بارىسىندا شەتەلدٸك جۇمىس كٷشٸن رۇقساتسىز پايدالانعانى ٷشٸن 582 جۇمىس بەرۋشٸ جاۋاپكەرشٸلٸككە تارتىلدى. زاڭسىز كٶشٸ-قون ۇيىمداستىرۋ فاكتٸلەرٸ بويىنشا 28 قىلمىستىق ٸس تٸركەلدٸ.
وسىلايشا, شىمكەنت قالاسىندا ٶزبەكستاننىڭ 70 ازاماتى مەن 62 قىتايدى جۇمىسقا زاڭسىز قابىلداعان بٸرقاتار زاڭدى تۇلعالار انىقتالدى. قازٸرگٸ ۋاقىتتا زاڭسىز كٶشٸ-قوندى ۇيىمداستىرۋ فاكتٸسٸ بويىنشا سوتقا دەيٸنگٸ تەرگەۋ باستالدى.
سونىمەن قاتار, جەدەل الدىن الۋ شاراسى كەزٸندە ٸزدەۋ جارييالانعان 140 قىلمىسكەر ۇستالدى. ولاردىڭ ٸشٸندە 129 قازاقستاندىق, تمد ەلدەرٸنٸڭ 10 ازاماتى, سونداي-اق, سەكسۋالدىق سيپاتتاعى زورلىق-زومبىلىق ەرەكەتتەرٸ جەنە بوپسالاۋ فاكتٸسٸ بويىنشا حالىقارالىق ٸزدەۋدە جٷرگەن تٷركييا ازاماتى بار.
ٸٸم كٶشٸ-قون قىزمەتٸ كوميتەتٸنٸڭ مەلٸمەتٸ بويىنشا, كٶشٸ-قون زاڭناماسىن قاساقانا بۇزعاندارعا قاتىستى زاڭسىز يمميگرانتتاردى ەل اۋماعىنان شىعارۋ تۋرالى 969 سوت شەشٸمٸ شىعارىلعان.
