Video kadry
Shymkentte 6 jasar balanyń ólimine sebepker bolǵan qurylys kompaniiasynyń basshysy sottaldy, - dep habarlaidy Ult.kz ktk.kz-ke silteme jasap.
"As orta grýpp" mekemesi sý júrgizý úshin aryq qazdyryp, sol kúiinde qaldyryp ketken. Al kóktemde ol jerge qulaǵan bala jinalǵan nájis sýyna tunshyǵyp ólgen.
Osy olqylyǵy úshin merdiger mekemeniń 44 jastaǵy direktory kináli dep tanylyp, ol 3 jylǵa bas bostandyǵynan aiyryldy. Biraq ol raqymshylyqqa iligip, jazasy bir jarym jylǵa deiin qysqardy. Dese de marqum balaqaidyń anasyna 10 million teńge kóleminde moraldyq shyǵyn tóleýge mindetteldi. Alaida aryq qazdyryp, nájis sý tolǵansha eshqandai belgi men qorshaý qoimaǵany úshin kináli dep tanylǵan merdiger mekemeniń basshysy úkimmen kelispei otyr.
"Sot úkim etti. Tastanbekov Nurjan Amalbekuly QR QK 279-baby 1-bóliginde kózdelgen qylmystyq quqyq buzýǵa barǵany úshin kináli dep tanylsyn. Oǵan eki jyl merzimge qurylysqa bailanysty qyzmetpen ainalysý quqyǵynan aiyra otyryp, 3 jyl merzimge bas bostandyǵynan aiyrý jazasy taǵaiyndalsyn", - dedi sýdia Nursultan Myńbatyrov.
