ۆيدەو كادرى
شىمكەنتتە 6 جاسار بالانىڭ ٶلٸمٸنە سەبەپكەر بولعان قۇرىلىس كومپانيياسىنىڭ باسشىسى سوتتالدى, - دەپ حابارلايدى Ult.kz ktk.kz-كە سٸلتەمە جاساپ.
"اس ورتا گرۋپپ" مەكەمەسٸ سۋ جٷرگٸزۋ ٷشٸن ارىق قازدىرىپ, سول كٷيٸندە قالدىرىپ كەتكەن. ال كٶكتەمدە ول جەرگە قۇلاعان بالا جينالعان نەجٸس سۋىنا تۇنشىعىپ ٶلگەن.
وسى ولقىلىعى ٷشٸن مەردٸگەر مەكەمەنٸڭ 44 جاستاعى ديرەكتورى كٸنەلٸ دەپ تانىلىپ, ول 3 جىلعا باس بوستاندىعىنان ايىرىلدى. بٸراق ول راقىمشىلىققا ٸلٸگٸپ, جازاسى بٸر جارىم جىلعا دەيٸن قىسقاردى. دەسە دە مارقۇم بالاقايدىڭ اناسىنا 10 ميلليون تەڭگە كٶلەمٸندە مورالدىق شىعىن تٶلەۋگە مٸندەتتەلدٸ. الايدا ارىق قازدىرىپ, نەجٸس سۋ تولعانشا ەشقانداي بەلگٸ مەن قورشاۋ قويماعانى ٷشٸن كٸنەلٸ دەپ تانىلعان مەردٸگەر مەكەمەنٸڭ باسشىسى ٷكٸممەن كەلٸسپەي وتىر.
"سوت ٷكٸم ەتتٸ. تاستانبەكوۆ نۇرجان امالبەكۇلى قر قك 279-بابى 1-بٶلٸگٸندە كٶزدەلگەن قىلمىستىق قۇقىق بۇزۋعا بارعانى ٷشٸن كٸنەلٸ دەپ تانىلسىن. وعان ەكٸ جىل مەرزٸمگە قۇرىلىسقا بايلانىستى قىزمەتپەن اينالىسۋ قۇقىعىنان ايىرا وتىرىپ, 3 جىل مەرزٸمگە باس بوستاندىعىنان ايىرۋ جازاسى تاعايىندالسىن", - دەدٸ سۋديا نۇرسۇلتان مىڭباتىروۆ.
