Shymkentte 5 myńǵa tarta oqýshy oqý jylyn jańa ǵimaratta bastaidy. Qyrkúiek aiynda qalada úsh jańa mektep paidalanýǵa berilmek, dep habarlaidy QazAqparat.
Sala mamandardyń sózinshe, aǵymdaǵy jyly shym shahardaǵy bilim mekemeleriniń sany 228-ge jetip otyr. Onyń 132-si mektep bolsa, 88-i balabaqsha men 8-i mektepten tys mekemeler. Endi bilim uialarynyń №125,128,129 úsh jańa mektep tolyqtyrady. Sonymen qatar, №69 jáne №97 mektepteriniń ǵimaraty jańartylyp otyr. Al, úsh aýysymda bilim beretin mektepter sany 8 bolsa, jańa oqý jylynda «Dostyq», «Aqjaiyq», «Jańatalap», «Qainarbulaq», «Sáýle» shaǵynaýdandaryndaǵy 5 jańa mektep paidalanýǵa berilmek. Sonda 4 800 oqýshy qalypty bilim berý júiesine kóshedi. Sol siiaqty «Tasken» turǵyn úi alabyndaǵy úsh aýysymdyq mekteptiń máselesi 2018 jyly sheshimin tabatyn bolady. Bilim bólimi bergen málimetke sáikes, jeltoqsan aiynda Ákimshilik iskerlik ortalyǵyndaǵy 1200 oryndyq jańa mektep ashylatyn bolady. Sondai-aq, «Samal-3» shaǵynaýdanynda da jer telimi rásimdelip, oqýshylar úshin jańa bilim oshaǵynyń jobalyq-smetalyq qujattary ázirlenýde. Onyń qurylysyn 2018 jyly bastap, 2019 jyly paidalanýǵa berý josparlanǵan. Bul rette qalalyq bilim bóliminiń basshysy Janat Tájieva bala sany artyq 5 mekteptiń baryn aitady.
«Bul mektepterdi úsh aýysymdyq oqý júiesine kóshirmei-aq, oqýshylarǵa bilim berýin jeńildetý maqsatynda jaqyn mańdaǵy basqa mektepterden synyp bólmelerin qarastyrdyq. Atap aitqanda, №9, 23 mektep oqýshylaryna №14, 20 mektepterden synyp bólmeleri beriletin bolady. Al №1, 46, 65 mektepterge jalǵa alýǵa ǵimarattar izdestirilýde», - deidi qalalyq bilim bóliminiń basshysy.
Janat Tájievanyń aitýynsha, №1 mekteptiń janynan qosymsha qurylys salý úshin zerdeleý jumystary júrgizilýde. Osyǵan uqsas №65 mekteptegi máseleni retke keltirý úshin mektep janynan qosymsha 0,72 ga jer memleket muqtajdyǵyna qaitarylǵan. Qazirgi tańda rásimdeý jumystary josparlanyp otyr eken. Júieli jumystardyń nátijesinde 2020 jylǵa deiin shaharda úsh aýysymdyq mektepterdiń máselesi tolyq sheshimin tabady.
