Búgin Shymkent qalasynda dástúrli jalpyqalalyq «13 aimaq» - Birge bolsaq, bári múmkin!» atty júgirý marafony ótti. Salaýatty ómir salty men buqaralyq sportty nashattaý maqsatynda uiymdastyrylǵan sharaǵa oblys ákimi Janseiit Túimebaev, qala ákimi Ǵabidolla Ábdirahymov, oblystyq máslihattyń hatshysy Qairat Balabiev pen «Nur Otan» partiiasynyń Shymkent qalalyq bólimshesiniń tóraǵasy Ómirzaq Meldehanov, sondai aq ákimdik qyzmetkerleri men kásipqoi sportshylar jáne qala turǵyndary jalpy sany 5 myń adam qatysty.
Biyl júgirý jolynyń uzaqtyǵy jartylai marafonǵa deiin uzartyldy. Uiymdastyrýshylar «Kasiet» fitnes-klýby men «13 region» komandasynyń aitýynsha, bul qadam marafonnyń bolashaqta jalpy qazaqstandyq jáne halyqaralyq sport kúntizbesine engizilýi úshin jasalyp otyr. Eń alys qashyqtyq - 21,1 shaqyrym. Degenmen, óziniń múmkindigin jańadan synap kórýshiler úshin 5 jáne 10 shaqyrym jarys joly saqtaldy.
Qonaev dańǵylynan Bəidibek bi dańǵyly boiymen Naýryz alańyna deiingi birinshi qashyqtyqty oblys ákimimen birge barlyq jastaǵy 3 myńnan astam qatysýshy ońai júgirip ótti.
Densaýlyq – baǵa jetpeitin asyl dúnie ekenin aitqan oblys ákimi barsha ońtústikqazaqstandyqtardy salaýatty ómir saltyn ustanýǵa shaqyrdy.
«Búgingi dástúrli jalpy qalalyq júgirý marafonyna qatysyp, buqaralyq sporttyń damýyna úles qosyp júrgen qala turǵyndary men jastarǵa alǵys aitamyn. Ómirimizge qaýip tóndiretin ziiandy zattardan aýlaq bolyp, salaýatty ómir saltyn ustanýymyz qajet. Búgingi 5 myń adam qatysqan marafon osynyń aiǵaǵy. Osy qalyptan taimai buqaralyq sportty damytýǵa úles qosyp, ony keń dárejede nasihattaityn bolsaq 2020 jylǵa deiin buqaralyq sportpen shuǵyldanýshylardyń sanyn 30 paiyzǵa jetkizemiz, al osy jyly 26 paiyzǵa jetedi dep josparlanýda», - dedi ákim.
Munan soń, aimaq basshysy jarystyń eń jas jáne eń eresek qatysýshylary men jeńimpazdaryn marapattady. Jarysta 9 jas ereksheligi boiynsha 32 sportshy jeńimpaz atanyp, oblys əkiminiń alǵys hatymen júldeli syilyqtarǵa ie boldy.
Aita keteiik, erler arasynda 21 shaqyrym qashyqtyqta 19 jastaǵy №39-shy Ǵalymjan Jumabaev máre syzyǵyn birinshi bolyp bassa, áielder arasynda eń birinshi bolyp 225-shi nomerdegi 34 jastaǵy Aqmaral Meiirman kelip jetti.
Dástúrli shara Naýryz alańyndaǵy kontsertpen aiaqtaldy.
