Shymkentte joǵalyp ketken 3 jasar qyzdyń tabylǵany týraly video Qaznetti tánti etti. Qalalyq Politsiia departamenti izdeý operatsiiasynyń mán-jaiyn aitty, - dep habarlaidy Tengrinews.kz.
Videoda tabylǵan qyzdyń otbasymen qaýyshqan sáti kórsetilgen.
Shymkenttiń qalalyq Politsiia departamentiniń málimetinshe, 2 mamyrda ál-Farabi aýdandyq Politsiia bólimshesine 22 jastaǵy áiel qyzy joǵalyp ketkeni týraly aryz qaldyrǵan. Onyń sózinshe, saǵat 13.00 shamasynda úsh jasar qyzy úiden shyǵyp, joǵalyp ketken.
"Qyzdy tabý maqsatynda Shymkent qalasy politsiia departamentiniń basshysy, politsiia general-maiory Eraly Jumahanbetov barlyq aýdandyq politsiia basqarmasyna tapsyrma berdi. Izdestirý sharalaryna departamenttiń barlyq jeke quramy jumyldyryldy. 500-den asa tártip saqshysy aýlalardy tekserip, turǵyndardan surastyrdy. Qyzdy izdeýge kinologiialyq qyzmettiń qyzmettik itteri de tartyldy", - dedi PD baspasóz qyzmeti ókilderi.
Izdestirý sharalarynyń nátijesinde keshki saǵat 22.10-da patrýldik politsiia polkiniń qyzmetkerleri joǵalyp ketken qyzdy "Otyrar" shaǵyn aýdanynan bir shaqyrym qashyqtyqta taýyp, ony ata-anasyna tabystady.
