Foto: Shymkent qalasynyń Tótenshe jaǵdailar departamenti
Shymkentte qutqarýshylar dárigerlerge balanyń qolyn elektr tartqyshtan bosatýǵa kómektesti, dep habarlaidy "Ult aqparat" Tótenshe jaǵdailar departamentine silteme jasap.
Sairam eldi mekenindegi N3 Shymkent qalalyq aýrýhanasynda Shymkent qalasy TJ departamentiniń Jedel-qutqarý jasaǵynyń qyzmetkerleri balanyń qolyn elektr et tartqyshtan bosatý boiynsha biregei operatsiia júrgizgen.
Qalalyq aýrýhanadan "112" qutqarý qyzmetine 3 jasar bala qolyn elektr et tartqyshtyń qubyryna tartyp alǵany týraly habarlama kelip túsken. Dárigerler onyń qolyn shyǵaryp ala almaǵan soń, qutqarýshylardyń kómegi qajet bolǵan.
Ata-analardyń aitýynsha, bala elektr tartqyshpen jumys istegen kezde onyń janynda bolǵan.
"Qutqarýshylar operatsiiany dárigerlermen birge júrgizdi. Tótenshe jaǵdai qyzmetkerleri avariialyq-qutqarý quralynyń kómegimen et tartqyshtyń korpýsyn muqiiat kesip, qolyn bosatty, bul sátte balany narkoz arqyly uiyqtatyp qoiǵan.
Qazirgi ýaqytta bala №1 qalalyq balalar klinikalyq aýrýhanasynda reanimatsiia bóliminde" - delingen habarlamada.
