فوتو: شىمكەنت قالاسىنىڭ تٶتەنشە جاعدايلار دەپارتامەنتٸ
شىمكەنتتە قۇتقارۋشىلار دەرٸگەرلەرگە بالانىڭ قولىن ەلەكتر تارتقىشتان بوساتۋعا كٶمەكتەستٸ, دەپ حابارلايدى "ۇلت اقپارات" تٶتەنشە جاعدايلار دەپارتامەنتٸنە سٸلتەمە جاساپ.
سايرام ەلدٸ مەكەنٸندەگٸ N3 شىمكەنت قالالىق اۋرۋحاناسىندا شىمكەنت قالاسى تج دەپارتامەنتٸنٸڭ جەدەل-قۇتقارۋ جاساعىنىڭ قىزمەتكەرلەرٸ بالانىڭ قولىن ەلەكتر ەت تارتقىشتان بوساتۋ بويىنشا بٸرەگەي وپەراتسييا جٷرگٸزگەن.
قالالىق اۋرۋحانادان "112" قۇتقارۋ قىزمەتٸنە 3 جاسار بالا قولىن ەلەكتر ەت تارتقىشتىڭ قۇبىرىنا تارتىپ العانى تۋرالى حابارلاما كەلٸپ تٷسكەن. دەرٸگەرلەر ونىڭ قولىن شىعارىپ الا الماعان سوڭ, قۇتقارۋشىلاردىڭ كٶمەگٸ قاجەت بولعان.
اتا-انالاردىڭ ايتۋىنشا, بالا ەلەكتر تارتقىشپەن جۇمىس ٸستەگەن كەزدە ونىڭ جانىندا بولعان.
"قۇتقارۋشىلار وپەراتسييانى دەرٸگەرلەرمەن بٸرگە جٷرگٸزدٸ. تٶتەنشە جاعداي قىزمەتكەرلەرٸ اۆارييالىق-قۇتقارۋ قۇرالىنىڭ كٶمەگٸمەن ەت تارتقىشتىڭ كورپۋسىن مۇقييات كەسٸپ, قولىن بوساتتى, بۇل سەتتە بالانى ناركوز ارقىلى ۇيىقتاتىپ قويعان.
قازٸرگٸ ۋاقىتتا بالا №1 قالالىق بالالار كلينيكالىق اۋرۋحاناسىندا رەانيماتسييا بٶلٸمٸندە" - دەلٸنگەن حابارلامادا.
