Shymkentte 200 oryndy jedel gospital salý josparlanyp otyr. Bul týraly búgin qalalyq densaýlyq saqtaý basqarmasy basshysynyń orynbasary Aigúl Bekbaýova málimdedi, dep habarlaidy "Ult aqparat".
Aigúl Bekbaýovanyń aitýynsha, qalada 1 456 tósek orynǵa arnalǵan karantindik statsionarlar qarastyrylǵan. Degenmen, búgingi kúni 200 tósek-oryndy jedel salynatyn infektsiialyq gospital salý qajettiligi týyndap, atalmysh másele qarastyrylyp jatyr.
«Qala boiynsha qajet tósek-oryndar, gospitaldar tolyq daiyn. Naqtyraq aitqanda, qalada barlyǵy 680 tósek-orynǵa arnalǵan provizorlyq statsionarlar bar. Máselen, qalalyq juqpaly aýrýlar aýrýhanasynda – 180 tósek, «Meiirim» ońaltý ortalyǵynda - 120 tósek, «Atameken» meditsinalyq ortalyǵynda - 380 tósek oryn daiyndalǵan», - deidi qalalyq densaýlyq saqtaý basqarmasy basshysynyń orynbasary Aigúl Bekbaýova.
Aita keteiik, qazirgi tańda qalaǵa kiretin joldardaǵy blok beketterde 18 jedel meditsinalyq járdem brigadasy kezekshilikke qoiylǵan. Bastapqy meditsinalyq sanitarlyq kómek uiymdarynan 45 orta meditsinalyq qyzmetker úsh aýysymda jumys isteýde. Blok beketterdegi meditsinalyq pýnktter 52 teplovizormen, obaǵa qarsy 71 qorǵanys kostiýmimen jabdyqtalǵan.
