Shymkentte 1 myń gektar jer memleket menshigine qaitaryldy, dep habarlaidy "Ult aqparat" qalalyq prokýratýranyń baspasóz qyzmetine silteme jasap.
Jarty jyldy qorytyndylaǵan prokýrorlar kámeletke tolmaǵandarǵa qarsy qylmystar 39-dan 23-ke azaiǵanyn atap ótti. Sonymen birge, jasóspirimderdiń qolymen jasalǵan qylmys 123-ten 94-ke tómendegen. Prokýratýra zańsyz qylmystyq jaýapqa tartý boiynsha 10 faktini joidy.
«Qoǵamdyq múddeni qorǵaý salasynda qala prokýrorlary 36 tekserý men 78 taldaý jumystyryn júrgizip, zańbuzýshylyqtardy joiý jóninde 130 usynym, 6 narazylyq, 1 talap-aryz daiarlaǵan. Nátijesinde 434 myń tulǵanyń quqyqtary qorǵalyp, 1,5 myń tulǵa tártiptik, 70 tulǵa ákimshilik jaýapkershilikke tartyldy. 5,3 mlrd teńge memleket paidasyna óndirildi», - deidi qala prokýrory Maqsat Amanqululy.
Igerilmegen 2,5 myń (14,5 myń ga) jer ýchaskesi anyqtalyp, yqpal etý aktileri negizinde kadastrlyq quny 4,8 mlrd teńge turatyn 1,5 myń jer telimi memleket menshigine qaitaryldy.
