شىمكەنتتە 1 مىڭ گەكتار جەر مەملەكەت مەنشٸگٸنە قايتارىلدى, دەپ حابارلايدى "ۇلت اقپارات" قالالىق پروكۋراتۋرانىڭ باسپاسٶز قىزمەتٸنە سٸلتەمە جاساپ.
جارتى جىلدى قورىتىندىلاعان پروكۋرورلار كەمەلەتكە تولماعاندارعا قارسى قىلمىستار 39-دان 23-كە ازايعانىن اتاپ ٶتتٸ. سونىمەن بٸرگە, جاسٶسپٸرٸمدەردٸڭ قولىمەن جاسالعان قىلمىس 123-تەن 94-كە تٶمەندەگەن. پروكۋراتۋرا زاڭسىز قىلمىستىق جاۋاپقا تارتۋ بويىنشا 10 فاكتٸنٸ جويدى.
«قوعامدىق مٷددەنٸ قورعاۋ سالاسىندا قالا پروكۋرورلارى 36 تەكسەرۋ مەن 78 تالداۋ جۇمىستىرىن جٷرگٸزٸپ, زاڭبۇزۋشىلىقتاردى جويۋ جٶنٸندە 130 ۇسىنىم, 6 نارازىلىق, 1 تالاپ-ارىز دايارلاعان. نەتيجەسٸندە 434 مىڭ تۇلعانىڭ قۇقىقتارى قورعالىپ, 1,5 مىڭ تۇلعا تەرتٸپتٸك, 70 تۇلعا ەكٸمشٸلٸك جاۋاپكەرشٸلٸككە تارتىلدى. 5,3 ملرد تەڭگە مەملەكەت پايداسىنا ٶندٸرٸلدٸ», - دەيدٸ قالا پروكۋرورى ماقسات امانقۇلۇلى.
يگەرٸلمەگەن 2,5 مىڭ (14,5 مىڭ گا) جەر ۋچاسكەسٸ انىقتالىپ, ىقپال ەتۋ اكتٸلەرٸ نەگٸزٸندە كاداسترلىق قۇنى 4,8 ملرد تەڭگە تۇراتىن 1,5 مىڭ جەر تەلٸمٸ مەملەكەت مەنشٸگٸنە قايتارىلدى.
