Shymkentte SANTO kompaniiasyna qarasty «Himfarm» AQ-da jas mamandardy oqytý ortalyǵy ashyldy. Ortalyqtyń saltanatty ashylý rásimine Shymkent qalasynyń ákimi Ǵabidolla Ábdirahymov qatysty.
Oqý ortalyǵy kompaniia mamandarynyń biliktiligin arttyryp, tsifrly injenerlik-bilim berý maqsatynda ashylǵan.
Eldegi eń iri farmatsevtikalyq zaýyt bazasynda kompaniia qyzmetkerlerimen qatar ýniversitet jáne kolledj stýdentteri IT-tehnologiialar, metrologiia jáne tehnologiialyq protsesterdi avtomattandyrý salasy boiynsha bilim alap, tájiribe jinaqtaidy.
SANTO zaýytynyń aýmaǵynda ornalasqan eki qabatty ǵimarat sońǵy úlgide jabdyqtalǵan. Qazir munda eki synyp óz jumysyn bastady. Onyń birinde aqparattyq tehnologiialar zerttelse, ekinshisinde protsesti avtomattandyrý jáne basqarý oqytylady.
«Bir synyp stýdentterdi tehnologiialyq protsesterdi basqarý jáne baqylaýda avtomattandyrý júielerin qurý tájiribesine mashyqtaýǵa baǵyttalǵan jáne de mehatronika, pnevmatika negizderin jáne óndiristi metrologiialyq qamtamasyz etýdi úiretedi. Al, ekinshi oqý synyby – mamandandyrylǵan kompiýterlik synyp. Bul jerde stýdentterdiń baǵdarlamalaý salasynda túrli tilderde bilim alýy úshin interaktivti taqtalar, zamanaýi qural-jabdyqtar qoiylǵan. Sondai-aq, jabdyqtar kontrollerlerin baǵdarlaý, kompiýterlik saýattylyq deńgeiin arttyrý, túrli qoldanbaly baǵdarlamalar boiynsha oqytylady», - deidi «Himfarm» AQ direktory Rýstam Baigarin.
Ortalyqta bilim alǵan stýdentter jańa jabdyqtarmen jumys isteýdi tegin úirenedi. Sondyqtan oryndar sany shekteýli. Kolledjder men ýniversitetter oqýǵa qajetti bir rettik jumys kiimine jáne basqa da shyǵyn materialdaryna ózderi tóleidi.
«Bul ortalyq qyzmetkerlerimizdiń bilim-biligin arttyrýdy maqsat tutady. Qazir qol eńbegin ǵana paidalaný jetkiliksiz. Mamandar robotehnika, tsifrlandyrý salasyndaǵy innovatsiialyq tehnologiialardy bilý qajet. Jańa ortalyq osy salada bilimin jetildirýge múmkindik beredi», - deidi «Polpharma» baqylaý keńesi tobynyń prezidenti Eji Starak.
Aita ketsek, ótken jyly ónerkásipti tsifrlandyrý boiynsha 7 modeldik fabrikada aýdit aiaqtalyp, olardy tsifrlandyrý úshin jol kartasy bekitilgen. 2018 jyly eki modeldi fabrikada («Himfarm», «Evrazian fýds») is-sharanyń bir bóligi oidaǵydai engizilgen. Búginde «Tsifrly Qazaqstan» baǵdarlamasy aiasynda aýqymdy jumystar atqarylyp jatyr.
