شىمكەنتتە SANTO كومپانيياسىنا قاراستى «حيمفارم» اق-دا جاس مامانداردى وقىتۋ ورتالىعى اشىلدى. ورتالىقتىڭ سالتاناتتى اشىلۋ رەسٸمٸنە شىمكەنت قالاسىنىڭ ەكٸمٸ عابيدوللا ەبدٸراحىموۆ قاتىستى.
وقۋ ورتالىعى كومپانييا ماماندارىنىڭ بٸلٸكتٸلٸگٸن ارتتىرىپ, تسيفرلى ينجەنەرلٸك-بٸلٸم بەرۋ ماقساتىندا اشىلعان.
ەلدەگٸ ەڭ ٸرٸ فارماتسەۆتيكالىق زاۋىت بازاسىندا كومپانييا قىزمەتكەرلەرٸمەن قاتار ۋنيۆەرسيتەت جەنە كوللەدج ستۋدەنتتەرٸ IT-تەحنولوگييالار, مەترولوگييا جەنە تەحنولوگييالىق پروتسەستەردٸ اۆتوماتتاندىرۋ سالاسى بويىنشا بٸلٸم الاپ, تەجٸريبە جيناقتايدى.
SANTO زاۋىتىنىڭ اۋماعىندا ورنالاسقان ەكٸ قاباتتى عيمارات سوڭعى ٷلگٸدە جابدىقتالعان. قازٸر مۇندا ەكٸ سىنىپ ٶز جۇمىسىن باستادى. ونىڭ بٸرٸندە اقپاراتتىق تەحنولوگييالار زەرتتەلسە, ەكٸنشٸسٸندە پروتسەستٸ اۆتوماتتاندىرۋ جەنە باسقارۋ وقىتىلادى.
«بٸر سىنىپ ستۋدەنتتەردٸ تەحنولوگييالىق پروتسەستەردٸ باسقارۋ جەنە باقىلاۋدا اۆتوماتتاندىرۋ جٷيەلەرٸن قۇرۋ تەجٸريبەسٸنە ماشىقتاۋعا باعىتتالعان جەنە دە مەحاترونيكا, پنەۆماتيكا نەگٸزدەرٸن جەنە ٶندٸرٸستٸ مەترولوگييالىق قامتاماسىز ەتۋدٸ ٷيرەتەدٸ. ال, ەكٸنشٸ وقۋ سىنىبى – مامانداندىرىلعان كومپيۋتەرلٸك سىنىپ. بۇل جەردە ستۋدەنتتەردٸڭ باعدارلامالاۋ سالاسىندا تٷرلٸ تٸلدەردە بٸلٸم الۋى ٷشٸن ينتەراكتيۆتٸ تاقتالار, زاماناۋي قۇرال-جابدىقتار قويىلعان. سونداي-اق, جابدىقتار كونتروللەرلەرٸن باعدارلاۋ, كومپيۋتەرلٸك ساۋاتتىلىق دەڭگەيٸن ارتتىرۋ, تٷرلٸ قولدانبالى باعدارلامالار بويىنشا وقىتىلادى», - دەيدٸ «حيمفارم» اق ديرەكتورى رۋستام بايگارين.
ورتالىقتا بٸلٸم العان ستۋدەنتتەر جاڭا جابدىقتارمەن جۇمىس ٸستەۋدٸ تەگٸن ٷيرەنەدٸ. سوندىقتان ورىندار سانى شەكتەۋلٸ. كوللەدجدەر مەن ۋنيۆەرسيتەتتەر وقۋعا قاجەتتٸ بٸر رەتتٸك جۇمىس كيٸمٸنە جەنە باسقا دا شىعىن ماتەريالدارىنا ٶزدەرٸ تٶلەيدٸ.
«بۇل ورتالىق قىزمەتكەرلەرٸمٸزدٸڭ بٸلٸم-بٸلٸگٸن ارتتىرۋدى ماقسات تۇتادى. قازٸر قول ەڭبەگٸن عانا پايدالانۋ جەتكٸلٸكسٸز. ماماندار روبوتەحنيكا, تسيفرلاندىرۋ سالاسىنداعى يننوۆاتسييالىق تەحنولوگييالاردى بٸلۋ قاجەت. جاڭا ورتالىق وسى سالادا بٸلٸمٸن جەتٸلدٸرۋگە مٷمكٸندٸك بەرەدٸ», - دەيدٸ «Polpharma» باقىلاۋ كەڭەسٸ توبىنىڭ پرەزيدەنتٸ ەجي ستاراك.
ايتا كەتسەك, ٶتكەن جىلى ٶنەركەسٸپتٸ تسيفرلاندىرۋ بويىنشا 7 مودەلدٸك فابريكادا اۋديت اياقتالىپ, ولاردى تسيفرلاندىرۋ ٷشٸن جول كارتاسى بەكٸتٸلگەن. 2018 جىلى ەكٸ مودەلدٸ فابريكادا («حيمفارم», «ەۆرازيان فۋدس») ٸس-شارانىڭ بٸر بٶلٸگٸ ويداعىداي ەنگٸزٸلگەن. بٷگٸندە «تسيفرلى قازاقستان» باعدارلاماسى اياسىندا اۋقىمدى جۇمىستار اتقارىلىپ جاتىر.
