Shymkentte karantin sharalary kúsheitilip, qoǵamdyq kólikterdiń qozǵalysy toqtatyldy. Bul týraly aqparattyq-kommýnikatsiialyq ortalyqta ótken brifingte Shymkent qalasy ákiminiń orynbasary Maqsut Isahov málim etti, dep habarlaidy "Ult aqparat".
Maqsut Pernebaiulynyń aitýynsha, koronavirýstyq infektsiianyń taralýyna jol bermeý jáne epidemiologiialyq jaǵdaidyń asqynýynyń aldyn alý maqsatynda qalanyń bas memlekettik sanitariialyq dárigeriniń «Karantindik sharalardy kúsheitý týraly» qaýlysy shyqqan.
Qaýlyǵa sáikes, qalanyń barlyq aýmaǵynda 19 sáýiri saǵat 00:00-den bastap 01.05.2020 jyly saǵat 07.00-ge deiin birqatar shekteýler engizilip otyr.
«Qalamyzda bir kúnde 11 adam koronavirýs juqtyrdy. Osyǵan orai, indettiń taralý qaýpine bailanysty qalamyzda saqtyq sharalary kúsheitildi. Atap aitsaq, aiyrbastaý pýnktteriniń, mikrofinanstyq uiymdardyń qyzmetin onlain jumys rejimine jáne «klientterge deiin jetkizý» printsipi boiynsha kóshirý arqyly ýaqytsha shekteledi. Sonymen birge, qalada qoǵamdyq kólikter de jumysyn toqtatady. Qoǵamdyq kólikter toqtaǵanymen qalada arnaiy tirkelgen 11 taksi kompaniiasy jumysyn jalǵastyra beredi. Olarda 2 adamnan artyq jolaýshy alýǵa bolmaidy. Tirkelmegen taksilerge ruqsat joq. 65 jastan asqan azamattarǵa jáne 18 segiz jasqa tolmaǵan azamattar turǵyn úiden eresek adamnyń súiemeldeýinsiz shyǵýyna tyiym salyndy. Bul rette Shymkent qalasynyń politsiia departamentiniń, Ishki ister ministrliginiń Ulttyq gvardiiasynyń, Qorǵanys ministrliginiń áskeri qurylymdarynyń kúshterimen karantindik aýmaqty patrýldeý tapsyryldy», - dedi qala ákiminiń orynbasary M. Isahov.
Sondai-aq, brifingte sóz alǵan Shymkent qalasy taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Almat Qosaliev qala turǵyndaryna karantin talaptaryn oryndap, mamandar usynǵan nusqaýlyqtarǵa jiti qulaq asýǵa keńes berdi.
