شىمكەنتتە كارانتين شارالارى كٷشەيتٸلٸپ, قوعامدىق كٶلٸكتەردٸڭ قوزعالىسى توقتاتىلدى. بۇل تۋرالى اقپاراتتىق-كوممۋنيكاتسييالىق ورتالىقتا ٶتكەن بريفينگتە شىمكەنت قالاسى ەكٸمٸنٸڭ ورىنباسارى ماقسۇت يساحوۆ مەلٸم ەتتٸ, دەپ حابارلايدى "ۇلت اقپارات".
ماقسۇت پەرنەبايۇلىنىڭ ايتۋىنشا, كوروناۆيرۋستىق ينفەكتسييانىڭ تارالۋىنا جول بەرمەۋ جەنە ەپيدەميولوگييالىق جاعدايدىڭ اسقىنۋىنىڭ الدىن الۋ ماقساتىندا قالانىڭ باس مەملەكەتتٸك سانيتارييالىق دەرٸگەرٸنٸڭ «كارانتيندٸك شارالاردى كٷشەيتۋ تۋرالى» قاۋلىسى شىققان.
قاۋلىعا سەيكەس, قالانىڭ بارلىق اۋماعىندا 19 سەۋٸرٸ ساعات 00:00-دەن باستاپ 01.05.2020 جىلى ساعات 07.00-گە دەيٸن بٸرقاتار شەكتەۋلەر ەنگٸزٸلٸپ وتىر.
«قالامىزدا بٸر كٷندە 11 ادام كوروناۆيرۋس جۇقتىردى. وسىعان وراي, ٸندەتتٸڭ تارالۋ قاۋپٸنە بايلانىستى قالامىزدا ساقتىق شارالارى كٷشەيتٸلدٸ. اتاپ ايتساق, ايىرباستاۋ پۋنكتتەرٸنٸڭ, ميكروفينانستىق ۇيىمداردىڭ قىزمەتٸن ونلاين جۇمىس رەجيمٸنە جەنە «كليەنتتەرگە دەيٸن جەتكٸزۋ» پرينتسيپٸ بويىنشا كٶشٸرۋ ارقىلى ۋاقىتشا شەكتەلەدٸ. سونىمەن بٸرگە, قالادا قوعامدىق كٶلٸكتەر دە جۇمىسىن توقتاتادى. قوعامدىق كٶلٸكتەر توقتاعانىمەن قالادا ارنايى تٸركەلگەن 11 تاكسي كومپانيياسى جۇمىسىن جالعاستىرا بەرەدٸ. ولاردا 2 ادامنان ارتىق جولاۋشى الۋعا بولمايدى. تٸركەلمەگەن تاكسيلەرگە رۇقسات جوق. 65 جاستان اسقان ازاماتتارعا جەنە 18 سەگٸز جاسقا تولماعان ازاماتتار تۇرعىن ٷيدەن ەرەسەك ادامنىڭ سٷيەمەلدەۋٸنسٸز شىعۋىنا تىيىم سالىندى. بۇل رەتتە شىمكەنت قالاسىنىڭ پوليتسييا دەپارتامەنتٸنٸڭ, ٸشكٸ ٸستەر مينيسترلٸگٸنٸڭ ۇلتتىق گۆارديياسىنىڭ, قورعانىس مينيسترلٸگٸنٸڭ ەسكەري قۇرىلىمدارىنىڭ كٷشتەرٸمەن كارانتيندٸك اۋماقتى پاترۋلدەۋ تاپسىرىلدى», - دەدٸ قالا ەكٸمٸنٸڭ ورىنباسارى م. يساحوۆ.
سونداي-اق, بريفينگتە سٶز العان شىمكەنت قالاسى تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى المات قوساليەۆ قالا تۇرعىندارىنا كارانتين تالاپتارىن ورىنداپ, ماماندار ۇسىنعان نۇسقاۋلىقتارعا جٸتٸ قۇلاق اسۋعا كەڭەس بەردٸ.
