Shymkenttegi jataqhanada stýdent qaza boldy. Megapolis politseileri qos kúdiktini qolǵa túsirdi, - dep habarlaidy "Ult aqparat" Polisia.kz saityna silteme jasap.
Kýágerlerdiń aitýynsha, stýdentterdiń biri jigitti keýdesinen, al ekinshisi iyǵynan urǵan. Nátijesinde ol kenetten ózin nashar sezingen. Stýdentter jedel járdem shaqyrǵan, biraq meditsina qyzmetkerleri olar kelgenge deiin qaitys bolǵan jigitke kómek kórsetip úlgermegen.
Politsiia qyzmetkerleri QR Qylmystyq kodekstiń 106-baby 3-bóligi boiynsha tergeý júrgizip jatyr.
Eske salaiyq, 22 qyrkúiekke qaraǵan túni Shymkent qalasy ál-Farabi aýdany PB kezekshi bólimine jedel járdem brigadasynan kolledjderdiń biriniń jataqhanasynan 1-kýrs stýdentiniń máiiti tabylǵany týraly habarlama kelip túsken edi.
Buǵan deiin Nurhat Dúisenniń otbasynda bes balanyń jalǵyz uly bolǵanyn aitylǵan. 9-synyptan keiin ol Manap Ótebaev atyndaǵy Shymkent kolledjine oqýǵa túsken. Anasy qaiǵyly oqiǵaǵa kolledjdegi uryp-soǵý sebep bolǵanyna senimdi. Onyń aitýynsha, jigit alǵashqy kúnnen bastap oǵan aqsha jiberýdi suraǵan.
