شىمكەنتتەگٸ جاتاقحانادا ستۋدەنت قازا بولدى. مەگاپوليس پوليتسەيلەرٸ قوس كٷدٸكتٸنٸ قولعا تٷسٸردٸ, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
كۋەگەرلەردٸڭ ايتۋىنشا, ستۋدەنتتەردٸڭ بٸرٸ جٸگٸتتٸ كەۋدەسٸنەن, ال ەكٸنشٸسٸ يىعىنان ۇرعان. نەتيجەسٸندە ول كەنەتتەن ٶزٸن ناشار سەزٸنگەن. ستۋدەنتتەر جەدەل جەردەم شاقىرعان, بٸراق مەديتسينا قىزمەتكەرلەرٸ ولار كەلگەنگە دەيٸن قايتىس بولعان جٸگٸتكە كٶمەك كٶرسەتٸپ ٷلگەرمەگەن.
پوليتسييا قىزمەتكەرلەرٸ قر قىلمىستىق كودەكستٸڭ 106-بابى 3-بٶلٸگٸ بويىنشا تەرگەۋ جٷرگٸزٸپ جاتىر.
ەسكە سالايىق, 22 قىركٷيەككە قاراعان تٷنٸ شىمكەنت قالاسى ەل-فارابي اۋدانى پب كەزەكشٸ بٶلٸمٸنە جەدەل جەردەم بريگاداسىنان كوللەدجدەردٸڭ بٸرٸنٸڭ جاتاقحاناسىنان 1-كۋرس ستۋدەنتٸنٸڭ مەيٸتٸ تابىلعانى تۋرالى حابارلاما كەلٸپ تٷسكەن ەدٸ.
بۇعان دەيٸن نۇرحات دٷيسەننٸڭ وتباسىندا بەس بالانىڭ جالعىز ۇلى بولعانىن ايتىلعان. 9-سىنىپتان كەيٸن ول ماناپ ٶتەباەۆ اتىنداعى شىمكەنت كوللەدجٸنە وقۋعا تٷسكەن. اناسى قايعىلى وقيعاعا كوللەدجدەگٸ ۇرىپ-سوعۋ سەبەپ بولعانىنا سەنٸمدٸ. ونىڭ ايتۋىنشا, جٸگٸت العاشقى كٷننەن باستاپ وعان اقشا جٸبەرۋدٸ سۇراعان.
