Shymkenttegi túrmede sottalýshyǵa uialy telefondy taýyq etiniń ishine salyp kirgizbek bolǵan, dep habarlaidy "Ult aqparat".
Shymkent qalasy boiynsha QAJ departamentine qarasty ICh-167/4 áielder túrmesinde 21 qarashada kelip túsken sálemdemelerdi tekserý kezinde zańbuzýgshylyq anyqtaldy.
Áldebireý tyiym salynǵan Samsung markaly qara tústi uialy qurylǵy men sim-kartany pisken taýyqtyn (gril) ishine jasyryp, kirgizbek bolǵan.
«Bul zattardy Shymkent qalasynyń turǵyny A. qamaýda otyrǵan áielge ákelgen. Ol óziniń túsiniktemesinde kinásin tolyq moiyndady»,- deidi Shymkent qalasy boiynsha Qylmystyq atqarý júiesi departamenti baspasóz qyzmetiniń ókili Jazira Áýeshan.
Vedomstvo ókiliniń málimetinshe, qazir oǵan Qazaqstan Respýblikasynyń Ákimshilik quqyq buzý kodeksiniń tiisti babymen hattama toltyrylǵan.
