Shymkentte balmuzdaqtan birden 23 adam ýlanyp qaldy. Bul týraly otyrar.kz saity habarlady.
Qalalyq juqpaly aýrýlar aýrýhanasyna sońǵy eki táýlikte 23 adam osyndai diagnozben shaǵymdanyp, statsionarlyq em qabyldap jatyr. 28 naýryz kúni 3 adam, 29 naýryz kúni 20 adam shaǵymdanǵan.
Balmuzdaqtan ýlanǵandardyń jas shamalary 5 pen 18 jas arasy. Tórteýi jan saqtaý bóliminde jatyr. Olar 5-6 jasar eki búldirshin men 17-18 jas shamasyndaǵy eki jasóspirim. Barlyǵynyń diagnozy: ótkir ishek infektsiiasy.
Ata — analardyń sózine qaraǵanda balmuzdaq satatyn dúńgirshek «Morojenoe Iýjnoe» dep atalady. «Qiial álemi» saiabaǵynyń mańynda ornalasqan. Keibir málimetterge sáikes, bul dúńgirshek búginde jabyq tur.
