ShQO-da 87 jastaǵy zeinetker alaiaqtardyń qurbany bola jazdady ShQO-da 87 jastaǵy zeinetker alaiaqtardyń qurbany bola jazdady Shai ónimderin ákelý men satýǵa salynǵan shekteý alyndy – Komitet Shai ónimderin ákelý men satýǵa salynǵan shekteý alyndy – Komitet
Jumysshy mamandyqtar jyly!

Shymkent respýblikalyq mańyzy bar qalalardyń sanatyna jatqyzyldy

Ult portaly
Shymkent respýblikalyq mańyzy bar qalalardyń sanatyna jatqyzyldy

Qazaqstan Respýblikasynyń Prezidenti Nursultan Nazarbaev «Qazaqstan Respýblikasynyń ákimshilik-aýmaqtyq qurylysynyń keibir máseleleri týraly» Jarlyqqa qol qoidy. Bul týraly Aqordanyń baspasóz qyzmetinen habarlady.  

Qazaqstan Respýblikasynyń ákimshilik-aýmaqtyq qurylysynyń keibir máseleleri týraly

«Qazaqstan Respýblikasynyń ákimshilik-aýmaqtyq qurylysy týraly» 1993 jylǵy 8 jeltoqsandaǵy Qazaqstan Respýblikasy Zańynyń 9-babyna sáikes QAÝLY ETEMIN:

1. Shymkent qalasy respýblikalyq mańyzy bar qalalardyń sanatyna jatqyzylsyn.

2. Ońtústik Qazaqstan oblysynyń ákimshilik ortalyǵy Shymkent qalasynan Túrkistan qalasyna kóshirilsin.

3. Ońtústik Qazaqstan oblysy Túrkistan oblysy dep qaita atalsyn.

4. Qazaqstan Respýblikasynyń Úkimeti:

1) Qazaqstan Respýblikasynyń Joǵarǵy Sotymen, Qazaqstan Respýblikasynyń Prezidentine tikelei baǵynatyn jáne esep beretin memlekettik organdarmen birlesip: bir ai merzimde osy Jarlyqty iske asyrý jóninde uiymdastyrý is-sharalarynyń josparyn (jol kartasyn) bekitsin; 2018 jylǵy 1 qyrkúiekke deiin Qazaqstan Respýblikasynyń zańnamalyq aktilerin osy Jarlyqqa sáikes keltirýdi qamtamasyz etetin sharalar qabyldasyn; osy Jarlyqty iske asyrý jóninde ózge de sharalar qabyldasyn;
2) Túrkistan qalasyn túrki áleminiń mádeni-rýhani ortalyǵy retinde damytý boiynsha bas jospardy ázirleýge konkýrs uiymdastyrý jáne ótkizý jónindegi komissiia qursyn.  

5. Ortalyq memlekettik organdar jáne Shymkent qalasy men Túrkistan oblysynyń jergilikti memlekettik organdary tiisti jergilikti memlekettik organdar men uiymdardyń irkilissiz ári tiimdi jumys isteýin qamtamasyz etý jóninde sharalar qabyldasyn.

6. Túrkistan oblysynyń jergilikti ókildi jáne atqarýshy organdary, sondai-aq ortalyq memlekettik organdardyń aýmaqtyq bólimsheleri men vedomstvolyq baǵynysty mekemeleri Túrkistan qalasyna kóshkenge deiin Shymkent qalasynda ornalasady dep belgilensin.

7. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.

8. Osy Jarlyq resmi jariialanǵan kúninen bastap qoldanysqa engiziledi.    

 

Qazaqstan Respýblikasynyń        

Prezidenti                                                                                          N.Nazarbaev  

Astana, Aqorda, 2018 jylǵy   19 maýsym                                        

№  702                                                           

Oqi otyryńyz