Foto: Polisia.kz
Shymkentte uiymdasqan qylmysqa qarsy kúres basqarmasy qylmystyq toptar arasyndaǵy qarýly tóbelestiń aldyn aldy, - dep habarlaidy "Ult aqparat" Polisia.kz-ke silteme jasap.
"Qalalyq prokýratýranyń qatysýymen jedel-izdestirý is-sharalaryn júrgizý barysynda Shymkent qalasy PD uiymdasqan qylmysqa qarsy kúres basqarmasynyń qyzmetkerleri qala aýmaǵyndaǵy birneshe mekenjaida kúdiktilerdi ustaý jumystaryn júrgizdi.
Nátijesinde politsiiaǵa 25-38 jas aralyǵyndaǵy 10 adam jetkizildi. Olardyń úsheýi sot sheshimimen qamaldy, ekeýi úiqamaqqa alyndy. Qalǵandarynyń róli sotqa deiingi tergeý barysynda anyqtalady" - delingen habarlamada.
Foto: Polisia.kz
Olardan zattai dáleldemeler retinde Makarov jáne TT tapanshalary, 4 travmatikalyq tapansha, AK-103 avtomaty, 12 kalibrli MTs 21-12 ózdiginen oqtalatyn myltyǵy jáne 410 kalibrli ózdiginen oqtalatyn Saiga-410 karabini, 16 kalibrli qos aýyzdy tegis uńǵyly TOZ myltyǵy, sondai-aq ártúrli kalibrli 93 oq-dári tárkilengen.
Tergeýshiler sotqa deiingi tergep-tekserý barysynda osy jyldyń qańtar aiynyń basynda bir top adam jergilikti turǵyndy urlap, qala syrtyna alyp ketkenin anyqtady. Olar ony uryp-soǵyp, pnevmatikalyq qarýmen jaralaǵan. Er adam zańdy túrde politsiiaǵa júginýdiń ornyna, qylmyskerlerden kek alý maqsatynda óziniń tanystaryn qarýlandyryp, qarý-jaraq ala bastaǵan. Biraq politsiianyń kásibi jáne jedel áreketiniń arqasynda adam shyǵynyna ákep soǵýy múmkin qarýly qaqtyǵysty toqtatý múmkin boldy.
Qazirgi ýaqytta atalǵan derekke qatysty Shymkent qalasy PD-nyń tergeý basqarmasy QR QK-niń 287-baby 4-bóligi (Adamdar tobynyń atys qarýy men oq-dárilerdi zańsyz satyp alýy, saqtaýy, alyp júrýi nemese tasymaldaýy) boiynsha sotaldy tergeý amaldaryn júrgizip jatyr.
