Elbasy Shymkent qalasynan Qazaqstan Respýblikasy Parlamenti Senatynyń depýtattaryn sailaýdy taǵaiyndaý týraly Jarlyqqa qol qoidy, dep habarlaidy Aqordanyń baspasóz qyzmeti. "Ult aqparat" Jarlyqtyń tolyq mátinin jariialaidy.
Shymkent qalasynan Qazaqstan Respýblikasy Parlamenti Senatynyń depýtattaryn sailaýdy taǵaiyndaý týraly
Qazaqstan Respýblikasy Konstitýtsiiasynyń 44-baby 2) tarmaqshasyna, 50-baby 2-tarmaǵyna, «Qazaqstan Respýblikasyndaǵy sailaý týraly» 1995 jylǵy 28 qyrkúiektegi Qazaqstan Respýblikasy Konstitýtsiialyq zańynyń 69-baby 1-tarmaǵynyń 2) tarmaqshasyna, 129-babyna jáne «Qazaqstan Respýblikasynyń ákimshilik-aýmaqtyq qurylysynyń keibir máseleleri týraly» Qazaqstan Respýblikasy Prezidentiniń 2018 jylǵy 19 maýsymdaǵy № 702 Jarlyǵyna sáikes QAÝLY ETEMIN:
1. 2018 jylǵy 5 qazanǵa Shymkent qalasynan Qazaqstan Respýblikasy Parlamenti Senatynyń depýtattaryn sailaý taǵaiyndalsyn.
2. Daýys berýdi ótkizý, sailaý qorytyndylaryn jáne Qazaqstan Respýblikasy Parlamenti Senaty depýtattarynyń ókilettik merzimin aiqyndaý «Qazaqstan Respýblikasyndaǵy sailaý týraly» Qazaqstan Respýblikasy Konstitýtsiialyq zańynyń 129-babyna sáikes júzege asyrylatyn bolyp belgilensin.
3. Qazaqstan Respýblikasynyń Úkimeti, Shymkent qalasynyń ákimi Shymkent qalasynan Qazaqstan Respýblikasy Parlamenti Senatynyń depýtattaryn sailaýdy uiymdastyrýshylyq, materialdyq-tehnikalyq jáne qarjylyq qamtamasyz etý jónindegi sharalardy qabyldasyn.
4. Osy Jarlyq alǵashqy resmi jariialanǵan kúninen bastap qoldanysqa engiziledi.
Qazaqstan Respýblikasynyń
Prezidenti N.Nazarbaev
Astana, Aqorda, 2018 jylǵy 9 tamyz
№731
