QR Premer-Ministri Asqar Maminniń tóraǵalyǵymen ótken Úkimet otyrysynda Elbasy Nursultan Nazarbaevtyń tapsyrmasy boiynsha jáne Memleket basshysy Qasym-Jomart Toqaevtyń megapoliske jasaǵan issapary barysynda qoiǵan naqty mindetteri aiasynda ázirlengen Shymkent qalasyn damytýdyń 2023 jylǵa deiingi keshendi josparynyń jobasy qaraldy.
Keshendi jospardyń negizgi baǵyttary men is-sharalary týraly Shymkent qalasynyń ákimi Ǵ. Ábdirahymov baiandady. Ulttyq ekonomika ministri R. Dálenov Keshendi jospardy iske asyrýdyń qala jáne jalpy el ekonomikasy úshin kútiletin áleýmettik-ekonomikalyq áseri týraly baiandady.
Keshendi josparda barlyq iske asyrý kezeńinde jalpy 1 trln teńgeden astam somaǵa 89 is-sharany júzege asyrý josparlanǵan, onyń ishinde 836 mlrd teńge (65%) – jeke investitsiialar esebinen, 68 mlrd teńge – MJÁ arqyly. Bul qujatty iske asyrý qala aýmaǵyn yqsham salýdy jáne ońtailandyrýdy, infraqurylymdy tiimdi paidalanýdy qamtamasyz etedi, sondai-aq turǵyndar úshin qolaily jáne yńǵaily jaǵdailar týdyrady.
«Shymkent - Qazaqstannyń ónerkásiptik, saýda-sattyq jáne mádeni ortalyqtarynyń biri», - dedi QR Úkimetiniń basshysy jáne qalany odan ári damytýdy qamtamasyz etý boiynsha birqatar naqty tapsyrmalar berdi.
Keshendi jospardy júzege asyrý investitsiialardyń kólemin bes jyldyń ishinde 1 trln teńgege deiin jetkizý úshin jaǵdailar týdyrýǵa múmkindik beredi. Investitsiialyq áleýetti damytý maqsatynda jańa «Juldyz» jáne «Shymkent agro» indýstriialdyq aimaqtarynyń qurylysyn qamtamasyz etý, «Ońtústik» AEA territoriiasyn ulǵaitýdy qamtamasyz etý tapsyryldy.
Kólik jáne injenerlik infraqurylymdy damytý baǵyty boiynsha 2020 jyly áýejaidyń jańa jolaýshylar terminalynyń qurylysyn jáne temirjol vokzalyn jańǵyrtý jumystaryn aiaqtaý josparlanǵan. Sonymen qatar, Tashkent dańǵylyn jalǵastyrý jáne A2 ainalma avtojolynyń qurylysy qamtamasyz etiledi. Bul qalanyń kólik áleýetin arttyrýǵa múmkindik beredi.
Óz kezeginde, qalany energiiamen qamtý jáne gazben qamtamasyz etý úshin QR Premer-Ministri Asqar Mamin gaz taratý stantsiiasynyń (AGRS-3), sondai-aq ERG kompaniiasynyń jeke investitsiialary esebinen qýaty 450 megavatt bý-gaz qondyrǵysynyń qurylysyn aiaqtaýdy tapsyrdy.
«Keshendi jospar turǵyn úi qurylysynyń kólemi kezeń-kezeńmen biyl 500 myń sharshy metrden jylyna 1 mln-ǵa deiin arttyryp, turǵyn úimen qamtamasyz etýdi 1 turǵynǵa shaqqanda 30 sharshy metr deńgeiine deiin jetkizýge múmkindik beredi», - dedi Asqar Mamin. Mysaly, «Shymkent Siti» jobasyn júzege asyrý áleýmettik infraqurylymy daiyn 1,5 mln sh.m. turǵyn úi salýǵa múmkindik beredi.
QR Ministrler kabinetiniń basshysynyń aitýynsha, ol úshin turǵyn úi qurylysyn damytýdy jalǵastyrý qajet. Osy rette, qalanyń yqsham qurylysyna jáne turǵyn úi qurylysynyń halyqaralyq standarttary boiynsha jumys isteitin investorlardyń tájiribesin paidalaný basa nazar aýdarylady.
Damý perspektivalary týristik salada keńeiýde. «Tsitadel» qalashyǵyn qaita jóndeýdi jáne halyqaralyq deńgeidegi oiyn-saýyq saiabaǵynyń qurylysyn aiaqtaý týristerdiń qosymsha aǵynyn qamtamasyz etedi. Sonymen qatar, Shymkent qalasynyń Túrkistan men Tashkentke jaqyn ornalasýy týristik infraqurylymynyń damýyna jáne jańa jumys oryndarynyń ashylýyna naqty serpin men sinergetikalyq áser beredi.
Shymkent qalasy 2020 jyly TMD mádeni astanasy bolyp jariialandy. Osy rette memlekettik organdarǵa áleýmettik jáne infraqurylymdyq nysandardyń ázirligin ýaqytyly qamtamasyz etý tapsyryldy.
«Keshendi jospardy iske asyrýdyń arqasynda Shymkent qalasynyń jalpy óńirlik ónimi 2018 jylǵy 2 trln teńgeden, 2023 jylǵa qarai 3,5 trln teńgege deiin jetkiziledi», - dedi Asqar Mamin.
