Kóliktegi memlekettik bas sanitarlyq dáriger Sádýaqas Baiǵabylov Shymkent, Aqtaý jáne Oraldan Nur-Sultan men Almaty qalalaryna jáne keri ushatyn áýe reisteriniń qaita jandanýyna qatysty pikir bildirdi, dep habarlaidy "Ult aqparat".
Buǵan deiin aitylǵandai, koronavirýs infektsiiasy boiynsha sanitarlyq-epidemiologiialyq jaǵdaidyń turaqtanýyna qarai óńirlerde Qazaqstannyń basqa qalalaryna ishki áýe reisteri kezeń-kezeńimen iske qosylady.
Shymkent, Aqtaý jáne Oral qalalarynan jańartylǵan áýe reisteri úshin áleýmettik qashyqtyq, saýalnama, maskalyq rejim, terminal ǵimaratyna shyǵaryp salmaý, bailanyssyz termometriia sekildi negizgi sanitarlyq-karantindik talaptar belgilendi.
Kóliktegi bas memlekettik sanitar dáriger biylǵy jyldyń 14 mamyrynda tiisti qaýly qabyldady.
Buryn aitylǵandai, dene qyzýy joǵary nemese aýrý belgileri (jótel, entigý, tynys alýy qiyndaǵan) bar adamdar anyqtalǵan jaǵdaida olar áýejai ǵimaratyna, iaǵni áýe kemesiniń bortyna jiberilmeidi. Atalǵan jolaýshylar karantinge oqshaýlanady.
Aita ketý kerek, Qazaqstandaǵy barlyq ishki áýe reisteri tek Nur-Sultan men Almatydan oblystyq mańyzy bar qalalarǵa ǵana ashyldy, al óńirler arasynda áýe qatynasy áli ashylǵan joq.
