كٶلٸكتەگٸ مەملەكەتتٸك باس سانيتارلىق دەرٸگەر سەدۋاقاس بايعابىلوۆ شىمكەنت, اقتاۋ جەنە ورالدان نۇر-سۇلتان مەن الماتى قالالارىنا جەنە كەرٸ ۇشاتىن ەۋە رەيستەرٸنٸڭ قايتا جاندانۋىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
بۇعان دەيٸن ايتىلعانداي, كوروناۆيرۋس ينفەكتسيياسى بويىنشا سانيتارلىق-ەپيدەميولوگييالىق جاعدايدىڭ تۇراقتانۋىنا قاراي ٶڭٸرلەردە قازاقستاننىڭ باسقا قالالارىنا ٸشكٸ ەۋە رەيستەرٸ كەزەڭ-كەزەڭٸمەن ٸسكە قوسىلادى.
شىمكەنت, اقتاۋ جەنە ورال قالالارىنان جاڭارتىلعان ەۋە رەيستەرٸ ٷشٸن ەلەۋمەتتٸك قاشىقتىق, ساۋالناما, ماسكالىق رەجيم, تەرمينال عيماراتىنا شىعارىپ سالماۋ, بايلانىسسىز تەرمومەترييا سەكٸلدٸ نەگٸزگٸ سانيتارلىق-كارانتيندٸك تالاپتار بەلگٸلەندٸ.
كٶلٸكتەگٸ باس مەملەكەتتٸك سانيتار دەرٸگەر بيىلعى جىلدىڭ 14 مامىرىندا تيٸستٸ قاۋلى قابىلدادى.
بۇرىن ايتىلعانداي, دەنە قىزۋى جوعارى نەمەسە اۋرۋ بەلگٸلەرٸ (جٶتەل, ەنتٸگۋ, تىنىس الۋى قيىنداعان) بار ادامدار انىقتالعان جاعدايدا ولار ەۋەجاي عيماراتىنا, ياعني ەۋە كەمەسٸنٸڭ بورتىنا جٸبەرٸلمەيدٸ. اتالعان جولاۋشىلار كارانتينگە وقشاۋلانادى.
ايتا كەتۋ كەرەك, قازاقستانداعى بارلىق ٸشكٸ ەۋە رەيستەرٸ تەك نۇر-سۇلتان مەن الماتىدان وبلىستىق ماڭىزى بار قالالارعا عانا اشىلدى, ال ٶڭٸرلەر اراسىندا ەۋە قاتىناسى ەلٸ اشىلعان جوق.
