Shymkent qalasynyń ákimi Murat Áitenov jalaqysy qansha ekenin aitýdan bas tartty, - dep habarlaidy Tengrinews.kz tilshisi.
Ortalyq komitettiń baspasóz máslihatynda jýrnalistiń saýalyna jaýap bergen ákim jalaqysy basqa oblys ákimderi jalaqysynan esh aiyrmashylyǵy joq ekenin aitty.
"Bul suraq BAQ-ta birneshe ret aityldy, meniń jalaqym basqa áriptesterimdiki siiaqty. Bul Úkimet qaýlysy boiynsha bekitilgen. Meniń jalaqymnyń qansha ekenin sizder jaqsy bilesizder", - dep jaýap berdi Áitenov.
Jýrnalisterdiń azyq-túlikke qansha jumsaityny týraly suraǵyna qala basshysy turmystyq máseleniń bárin jubaiy óz moinyna alǵanyn aitty.
"Men memlekettik qyzmetkermin, is júzinde ýaqytym joq. Áielim ekeýmizdiń ókilettigimiz ortaq. Ol turmystyq máselelerdi óz moinyna aldy, sol úshin oǵan alǵys aitamyn. Ol muny kúndiz-túni isteidi, meniń aralasýyma ruqsat bermeidi", - dep qosty Murat Áitenov.
