Kórneki foto: Massimo Ravera/Getty Images
Shymkentte jolaýshylar kóligi jáne avtomobil joldary salasyndaǵy basshy ustaldy, - dep habarlaidy "Ult aqparat" Antikordyń Shymkent qalasy boiynsha departamentine silteme jasap.
"Shymkent qalasynyń Sybailas jemqorlyqqa qarsy qyzmeti qalanyń jolaýshylar kóligi jáne avtomobil joldary basqarmasynyń basshysyna qatysty sotqa deiingi tergeý júrgizip jatyr.
Ol megapolistiń áleýmettik mańyzy bar baǵyttary boiynsha jolaýshylar tasymalyn sýbsidiialaý kezinde biýdjet qarajatyn kedergisiz tólegeni úshin kásipkerden 13 million teńge kóleminde para aldy degen kúdikke ilindi.
Sottyń sanktsiiasymen kúdikti 2 ai merzimge qamaýǵa alyndy" - delingen vedomstvo habarlamasynda.
Sotqa deiingi tergep-tekserý jalǵasyp jatyr.
Qylmystyq-protsestik kodekstiń 201-babyna sáikes ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
