Almaty turǵyndary Shymbulaq shatqalynda qar barysyn videoǵa túsirip aldy, - dep habarlaidy "Ult aqparat".
Áleýmettik jelide qar barysy túsirilgen erekshe video paida boldy. Beinejazbadan onyń alańsyz joǵary shyǵyp bara jatqanyn kórýge bolady.
Al, kólik ishinde otyrǵan kýágerlerdiń tańǵalsynda shek joq.
Ile Alataýy memlekettik ulttyq tabiǵi parki ókilderiniń aitýynsha, týrister túsirgen beinejazba - shynymen sirek kezdesetin oqiǵa jáne sátti túsirilim.
«Shymbulaq shatqalynda týrister túsirgen qar barysynyń videosy kópshiliktiń nazaryn aýdaryp, qyzyǵýshylyǵyn týdyrdy. Barys naq osy túsirilim bolǵan jerde turaqty mekendemeidi. Onyń bul aimaqqa kelýi qoregi sanalatyn tuiaqty janýarlardyń (elik, sibir taýeshkisi, t.b.) migratsiiasyna tikelei bailanysty bolýy múmkin», - dep habarlady Ile Alataý MUTP Ǵylymi zertteý jumystary jáne taýly agrobioártúrlilik bóliminen.
