Foto: videodan skrinshot
Jelide Shymbulaqta tóbeleskendlerdiń videosy tarady, dep habarlaidy Ult.kz.
Videodan keshki ýaqytta ǵimarattyń janynda birneshe adamnyń janjalyn kórýge bolady. Oqiǵa 1 aqpan kúni bolǵan. Shymbulaq ákimshiligi bir top sheteldik qonaq mas kúiinde shańǵy mektebiniń qyzmetkerlerimen tóbeleskenin málimdeidi.
Kelýshilerdiń biri kassirdiń ornynda bolmaǵanyna jáne ony uzaq kútip qalǵanyna narazy bolǵan. Sheteldik qyzmetkermen sózge kelip, sosyn dalada janjal shyqqan. Qyzmetkerler politsiia shaqyrǵan. Janjaldy demalys ornynyń qaýipsizdik qyzmeti toqtatqan.
"Tártip buzǵandardy tártip saqshylary alyp ketti. Oqiǵaǵa bailanysty dereý ishki tekseris júrgizilip, belgilengen qaýipsizdik standarttaryna sáikes qajetti sharalar qabyldandy", - dep habarlady Shymbulaq ákimshiligi.
