Respýblikalyq jedel-qutqarý jasaǵynyń qutqarýshylary Shymbulaq shyńynan alty adamdy qutqardy, dep habarlaidy "Ult aqparat".
«Búgin 18 sáýirde Respýblikalyq jedel-qutqarý jasaǵynyń kezekshi bólimine habarlama kelip tústi. Belgili týristik agenttiktiń úilestirýshisi, aýa raiynyń qolaisyzdyǵynan Shymbulaq shyńynan (teńiz deńgeiinen 3450 metr biiktikten) óz betinshe túse almai jatqan týristik top týraly aitty», - deidi QR Tótenshe jaǵdailar ministrliginiń resmi ókili Talǵat Ýáli
RJQJ jedel toby, jeke quramnyń 7 adamy, sonyń ishinde kinologiialyq esep oqiǵa ornyna shyqty. Jol júrý kezinde qutqarýshylar týristerdiń ornalasý orny bar geolokatsiialyq derekterdi aldy. Shymbulaq shatqalyna jedel avtokólikpen jetken soń, RJQJ qyzmetkerleri ári qarai zardap shekkenderge jaiaý jetti.
Týrister shyńnyń joǵary jaǵynan tabyldy. Belgili bolǵandai, týrister marshrýttyń sońǵy núktesine jetkende, aýa raiy lezde nasharlap, aimaqty tuman basyp, naizaǵai oinap, jol kórinbei qalǵan. Topty ertip júrgen gidtiń aitýynsha, naizaǵai adamdarǵa jaqyn jerge túskendikten, taýlardyń birinde aýa raiynan jasyryný týraly sheshim qabyldandy. Biraz ýaqyttan keiin aýa raiy jaqsara bastady, zardap shekkender jartastar jyralarynan shyǵyp, shyńǵa oralyp, sol jerden RJQJ qutqarýshylaryna geoaqparat jiberedi, sol jerde RJQJ qutqarýshylarymen kezdesti. Týristik toptyń músheleri qorqyp qalǵan, eshkim meditsinalyq kómekke muqtaj bolmady.
RJQJ qutqarýshylary Shymbulaq aýdanyndaǵy turaqqa deiin týristerdi ertip apardy.
«RJQJ qyzmetkerleri joryqqa shyqpas buryn taýlardaǵy aýa raiy boljamymen mindetti túrde tanysyp, ózińizben birge qosymsha jyly kiim alyp júrýińiz jáne uialy telefonyńyzǵa qosymsha qýat kózin umytpaýyńyz qajet ekenin eskertedi. Mundai qarapaiym erejeler sizdiń ómirińizdi saqtap qalýy múmkin», - dep atap ótti Talǵat Ýáli.
