QR Densaýlyq saqtaý ministrligi meditsinalyq kómekti uiymdastyrý departamenti direktorynyń orynbasary Gúlnar Sársenbaeva temekiden qandai aýrýlar týyndaitynyn aitty, dep habarlaidy QazAqparat.
«Halqymyzǵa, ásirese jas býynǵa shylym shegýdiń ziiandy áseri týraly kóbirek bilý kerek. Dástúrli temeki ónimderi bolsyn, «qyzdyrylatyn» temeki túrleri bolsyn, adam aǵzasyna tigizetin áseri birdei – olar aýrý týǵyzady», - dedi Gúlnar Sársenbaeva ortalyq kommýnikatsiialar qyzmetinde BAQ ókilderiniń saýalyna bergen jaýabynda.
Mamannyń aitýyna qaraǵanda, elektrondy shylym spetsifikalyq syrqattar týǵyzady.
«Veip qoldanǵan adamnyń aǵzasynda EVALI aýrýy týyndaýy múmkin. Iaǵni, qyzdyrylǵan suiyqtyq bý bolyp ókpege túsedi de, aýanyń qozǵalysyn shekteidi. Ólimmen aiaqtalatyn aýlardyń negizgi toby bar. Olar – júrek-qantamyr, onkologiia, qant diabeti jáne tynys alý organdarynyń aýrýy. Jyl saiyn osy aýrýlardy emdeýge 200 mlrd teńge jumsalady. Byltyr elimizde osyndai derek tirkeldi», - dedi Gúlnar Sársenbaeva.
