Kóliktegi bas memlekettik sanitarlyq dáriger Sádýaqas Baiǵabylov Soltústik Qazaqstan oblysynyń turǵyndary da PTR test anyqtamasynsyz syrtqa shyǵa almaitynyn málim etti, dep habarlaidy "Ult aqparat".
«2020 jyldyń 9 qarashadan bastap Soltústik Qazaqstan oblysynan shyqqan basqa óńirlerge shyǵatyn jolaýshylarda (áýe nemese temirjol arqyly) mindetti túrde PTR test anyqtamasy (teris) bolýy kerek. Sońǵy 3 táýlikte ótken PTR testiniń nátijesi jaraidy. Bul talap 5 jasqa deiingi balalarǵa qatysty emes», - deidi Sádýaqas Baiǵabylov.
Petropavl qalasyndaǵy áýe ushaǵyna nemese vagonǵa kirgen jolaýshylarda koronavirýs joqtyǵy týraly PTR test anyqtamasy bolýy tiis.
«Soltústik Qazaqstan oblysynyń aýmaǵynda jolaýshylar poiyzynyń toqtaýyna tyiym salyndy. Vagondar arasynda jolaýshylarǵa júrýge shekteý qoiyldy. Soltústik Qazaqstannan ushyp kelgen áýe kemeleri basqa óńirlerge qonǵan kezde jolaýshylardyń PTR testiden ótkeni-ótpegeni tekseriledi. Poiyzdarda sol tártip bolady. Jolaýshylardy shyǵaryp bara jatqan adamdar áýejaiǵa nemese temir jol vokzalyna kirgizilmeidi», - deidi ol.
Jolaýshyny PTR anyqtamasynsyz apara jatqan tasymaldaýshyǵa 1 600 AEK kóleminde aiyppul salynady.
