Shyǵys Qazaqstan oblysynyń tasjoldarynda jylytý beketteri jumysyn bastady, dep habarlaidy "Ult aqparat".
Oblystyq TJD baspasóz qyzmetiniń málimetine súiensek, 4 meditsinalyq-qutqarý jáne 19 jylytý beketi joldyń boiyndaǵy qaýip kútiletin tustarda jumys isteidi. Meditsinalyq-qutqarý beketteri jol-kólik oqiǵasy kezinde zardap shekkenderge jedel meditsinalyq kómek kórsetýge baǵyttalǵan. Onda táýlik boiy 5 maman jumys isteidi: dáriger, feldsher, dispetcher, qutqarýshy jáne júrgizýshi.
Jolda qandai da bir qiyndyqqa tap bolǵan azamattar da beketke kelip kómek surai alady. 2019-2020 jyldardaǵy qysta 16 adamǵa meditsinalyq kómek kórsetilip, 27 adam evakýatsiialanǵan.
Meditsinalyq-qutqarý beketteri kelesi jerlerde ornalasqan:
1) Privolnoe beketi – «Óskemen - Semei» tasjolynyń 85 shaqyrymyndaǵy Ulan aýdany, Privolnoe aýylynyń janynda;
2) «Jarma» beketi – «Almaty-Óskemen» tasjolynyń 889 shaqyrymyndaǵy Jarma aýdany, Arshaly aýylynyń mańynda;
3) «Semenovka» beketi – «Omby-Maiqapshaǵai» tasjolynyń 634 shaqyrymyndaǵy Besqaraǵai aýdany Qarabas aýylynyń tusynda;
4) «Semei» beketi – «Omby-Maiqapshaǵai» tasjolynyń 825 shaqyrymdaǵy Jarma aýdany Sýyqbulaq aýylynyń qasynda;
«Qysta jolǵa shyǵarda barlyǵyn muqiiat josparlap, kez-kelgen jaǵdaiǵa daiyn bolǵanyńyz jón. Ár avtokólikte qiyn jaǵdaida adam ómirin qutqaratyn: janarmai ottyǵy, arqan, kúrek syndy birinshi kezekte qajetti zattar bolýy tiis», - dep habarlady vedomstvo ókilderi.
