Elimizde jariialanǵan tótenshe jaǵdaiǵa bailanysty Shyǵys Qazaqstandaǵy barlyq mádeni oshaqtardyń jumysyna birqatar ózgerister engizildi, dep habarlaidy "Ult aqparat".
Soǵan orai oblys kóleminde kontsertter, konferentsiialar, seminarlar, kórmeler men dóńgelek ústelder syndy taǵy da basqa sharalar ýaqytsha uiymdastyrylmaidy. Al josparlanǵan buqaralyq sharalar keiinge qaldyryldy. Bul týraly ShQO Aqparattyq ortalyǵynda ótken brifingte oblystyq Mádeniet, muraǵattar jáne qujattama basqarmasy basshysynyń mindetin atqarýshy Raýshan Nurmahanova málim etti.
«Epidemiologiialyq jaǵdai jaqsarǵanǵa deiin mýzeiler men kitaphanalarǵa, sondai-aq tarihi-mádeni oryndarǵa kirýge ýaqytsha tyiym salyndy. Budan bólek, sporttyq úiirmeler men til úirený kýrstarynyń jumysy toqtatyldy. Kontserttik uiymdar men teatr qyzmetkerleri ýaqytsha gastroldik saparlarǵa shyǵa almaidy. Al daiyndyq jumystary júrgizile beredi», - dedi ol.
Basqarma basshysynyń aitýynsha, eger osy salada eńbek etip júrgen áielderdiń kámelettik jasqa tolmaǵan balalary bar bolsa, olar qashyqtan jumys istei alady.
«Oblystyq Mádeniet, muraǵattar jáne qujattama basqarmasynyń qyzmetkerleri ýaqytsha úsh topqa bólindi. Olardyń eńbekaqysy saqtalady. Birinshi toptyń quramynda ákimshilik-basqarýshylyq salada eńbek etip júrgen qyzmetkerler bar. Ekinshi toptaǵylar qashyqtyqtan jumys isteidi. Úshinshi topta ekologiialyq demalysqa shyqqandar», - dedi Raýshan Nurmuhanova.
Onyń sózine sensek, otbasylyq merekeler men toi jasaýǵa, sondai-aq as berýge ýaqytsha tyiym salyndy.
