ەلٸمٸزدە جارييالانعان تٶتەنشە جاعدايعا بايلانىستى شىعىس قازاقستانداعى بارلىق مەدەني وشاقتاردىڭ جۇمىسىنا بٸرقاتار ٶزگەرٸستەر ەنگٸزٸلدٸ, دەپ حابارلايدى "ۇلت اقپارات".
سوعان وراي وبلىس كٶلەمٸندە كونتسەرتتەر, كونفەرەنتسييالار, سەمينارلار, كٶرمەلەر مەن دٶڭگەلەك ٷستەلدەر سىندى تاعى دا باسقا شارالار ۋاقىتشا ۇيىمداستىرىلمايدى. ال جوسپارلانعان بۇقارالىق شارالار كەيٸنگە قالدىرىلدى. بۇل تۋرالى شقو اقپاراتتىق ورتالىعىندا ٶتكەن بريفينگتە وبلىستىق مەدەنيەت, مۇراعاتتار جەنە قۇجاتتاما باسقارماسى باسشىسىنىڭ مٸندەتٸن اتقارۋشى راۋشان نۇرماحانوۆا مەلٸم ەتتٸ.
«ەپيدەميولوگييالىق جاعداي جاقسارعانعا دەيٸن مۋزەيلەر مەن كٸتاپحانالارعا, سونداي-اق تاريحي-مەدەني ورىندارعا كٸرۋگە ۋاقىتشا تىيىم سالىندى. بۇدان بٶلەك, سپورتتىق ٷيٸرمەلەر مەن تٸل ٷيرەنۋ كۋرستارىنىڭ جۇمىسى توقتاتىلدى. كونتسەرتتٸك ۇيىمدار مەن تەاتر قىزمەتكەرلەرٸ ۋاقىتشا گاسترولدٸك ساپارلارعا شىعا المايدى. ال دايىندىق جۇمىستارى جٷرگٸزٸلە بەرەدٸ», - دەدٸ ول.
باسقارما باسشىسىنىڭ ايتۋىنشا, ەگەر وسى سالادا ەڭبەك ەتٸپ جٷرگەن ەيەلدەردٸڭ كەمەلەتتٸك جاسقا تولماعان بالالارى بار بولسا, ولار قاشىقتان جۇمىس ٸستەي الادى.
«وبلىستىق مەدەنيەت, مۇراعاتتار جەنە قۇجاتتاما باسقارماسىنىڭ قىزمەتكەرلەرٸ ۋاقىتشا ٷش توپقا بٶلٸندٸ. ولاردىڭ ەڭبەكاقىسى ساقتالادى. بٸرٸنشٸ توپتىڭ قۇرامىندا ەكٸمشٸلٸك-باسقارۋشىلىق سالادا ەڭبەك ەتٸپ جٷرگەن قىزمەتكەرلەر بار. ەكٸنشٸ توپتاعىلار قاشىقتىقتان جۇمىس ٸستەيدٸ. ٷشٸنشٸ توپتا ەكولوگييالىق دەمالىسقا شىققاندار», - دەدٸ راۋشان نۇرمۇحانوۆا.
ونىڭ سٶزٸنە سەنسەك, وتباسىلىق مەرەكەلەر مەن توي جاساۋعا, سونداي-اق اس بەرۋگە ۋاقىتشا تىيىم سالىندى.
