Shyǵys Qazaqstan oblysynda Táýelsizdik kúninde 50 sábi jaryq dúnie esigin ashty, dep habarlaidy QazAqparat.
ShQO Densaýlyq saqtaý basqarmasy baspasóz qyzmetiniń málimetine súiensek, Táýelsizdik kúninde óńir boiynsha 50 sábi dúniege kelgen. Olardyń basym bóligi – qyzdar.
Jeltoqsannyń 16-y kúni náresteler Óskemen, Semei shaharlaryndaǵy perinataldy ortalyqtarda, Aiagóz, Zaisan, Altai qalalyq jáne Kókpekti, Borodýliha aýdandyq aýrýhanalarynda ómirge keldi.
«Úlken otbasymyzda bul kún endi erekshe toilanatatyn bolady. Sebebi kishkentaiymyz dál osy qasterli merekede dúniege kelip otyr. Elimiz aman, jurtymyz tynysh, aspanymyz ashyq bolsyn!», - dedi analardyń biri.
Aita ketý kerek, oblysta jyl saiyn perinataldy sala dami túsip, sábiler men analarǵa arnalǵan jaǵdailar jaqsaryp keledi. Bul óz kezeginde týý kórsetkishterine de oń áser etti. Osy jyldyń basynan beri aimaq boiynsha 22 000-nan astam sábi týǵan.
